Стала вядома, як доўга цэнтр Гродна будзе закрыты для матацыклістаў па начах

Эксперымент па закрыцці цэнтральных вуліц для матацыклістаў працягнецца як мінімум да канца мотасезона. Калі ён адбудзецца паспяхова, то ў горадзе могуць з’явіцца дадатковыя зоны начных абмежаванняў, паведаміў тэлеканал «Гродно Плюс».

«Большасць матацыклістаў і без таго разумеюць, што гучны гук ад працуючага рухавіка будзе ў тым выпадку, калі выкруціць ручку і даць вялікую колькасць абаротаў. Некаторыя асобныя матацыклісты, на жаль, у нейкіх дэманстратыўных мэтах спецыяльна так паступаюць, ствараюць шум, з-за чаго з’яўляюцца нараканні, скаргі і ў прынцыпе псуюцца ўзаемаадносіны паміж звычайнымі грамадзянамі і тымі, якія перасоўваюцца на матацыклах», — сказаў кіраўнік аддзела агітацыі і прапаганды Упраўленя ДАІ УУС Гродзенскага аблвыканкама Андрэй Цыдзік тэлеканалу «Гродна Плюс».

Якія вуліцы закрыты ноччу для матацыклістаў

З 22:00 да 6:00 матацыклістам забаронена ездзіць па вуліцах:

• вул. Баторыя,
• вул. Калючынская,
• вул. Сацыялістычная ад Карбышава да Парыжскай камуны,
• вул. Будзёнага ад развязкі каля аўтавакзала,
• вул. Васілька ад Карбышава да Кірава,
• вул. Паўлоўскага,
• вул. Карбышава ад Сацыялістычнай да Гараднічанскай,
• вул. Гараднічанская,
• вул. Кірава,
• вул. Маркса,
• вул. Маладзёжная,
• вул. Парыжскай камуны ад Сацыялістычнай да Маставой

Зараз у горадзе знакі абмежавання руху ўсталявалі ў 12 кропках горада. Яны размяшчаюцца на скрыжыванні вуліцы Сацыялістычнай і Карбышава, Карбышава — Васілька, Маркса — Будзённага і Маркса — Кірава, а таксама побач з помнікам-танкам каля драматычнага тэатра ў бок Савецкай плошчы і на вуліцы Парыжскай Камуны.

Што будзе пасля эксперымента

Эксперымент плануюць правесці як мінімум да сканчэння мотасезона. Пасля чаго будзе прынята рашэнне, што рабіць далей. Магчыма, у Гродне ўвядуць дадатковыя зоны абмежавання руху.

За выкананнем правілаў матацыклістамі сочаць нарады дарожнай службы і мотапатруль.