Узровень вады ў Нёмане штодзённа падае на 1−2 сантыметры. У чым прычына і што можа змяніць сітуацыю?

Узровень вады ў Нёмане пад Гродна па стане на сярэдзіну жніўня — 61 см. У ліпені ён быў 87 см, а вясной — 240 см. Прычына пастаяннага падзення — спякотнае надвор’е, паведаміла «Гродзенская праўда».

Рака Нёман. Фота: Hrodna.life

На рацэ адбываецца перыяд межані [недахопу вады — Hrodna.life]. Гэта штогадовы працэс, калі рэкі вымушаны пітацца грунтовымі водамі. Узровень вады — небяспечна нізкі. Ён абмяжоўвае судаходства на ўчастку працягласцю 18 км у раёне вёскі Пералом [на мяжы з Літвой — Hrodna.life], паведаміў Гродзенскі абласны цэнтр па гідраметэаралогіі і маніторынгу навакольнага асяродзя.

«Змена клімату (маласнежнасць, мяккія зімы, нераўнамернае праходжанне ападкаў або іх дэфіцыт) істотна адбілася на гідралагічным рэжыме рэк. Цёплае надвор’е гэтай зімой спрыяла ранняму раставанню лёду на рэках Гродзенскай вобласці. На Нёмане ля Гродна паласы лёду ля берагоў адзначаліся толькі ў студзені. У сакавіку з-за адсутнасці дажджоў узровень вады на Нёмане ўпаў амаль удвая» — сказала «Гродзенскай праўдзе» кіраўнічка групы гідралогіі філіяла Гродзенскага абласнога цэнтра па гідраметэаралогіі і маніторынгу навакольнага асяродзя Святлана Бярэзіна.

Нёман уратуюць толькі дажджы

Папоўніць узровень вады могуць працяглыя дажджы. Калі адбудуцца залевы, то ўзровень вады ў нізінах выйдзе на пойму.

Такі пад’ём вады назіралі ў ліпені 2022 года. Тады ў выніку ападкаў вада паднялася ў рэках Рось каля вёскі Студзянец (Ваўкавыскі раён) і Нараў (прыток Заходняга Буга) каля вёскі Немярэжа (Свіслацкі раён). У Ваўкавыскім раёне падтапіла лецішчы і падворкі прыватных дамоў.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025