Тактыльная плітка. Ілюстрацыйная фотка zeus-ceramica.com.ua
У пяці месцах Гродна звычайную тратуарную плітку заменяць на тактыльную. Раней спецыяльная камісія ўстанавіла, што старая плітка не адпавядае нормам даступнага асяроддзя для людзей з інваліднасцю і фізічна аслабленых асоб.
У заканадаўстве да фізічна аслабленых асобаў (маламабільных груп) адносяць людзей з інваліднасцю, з паразай апорна-рухальнага апарата, састарэлых, цяжарных, дзяцей дашкольнага ўзросту, дарослых з дзецьмі на руках або ў вазках.
Плітку заменяць на вул. Дзяржынскага, 98, каля дзіцячай паліклінікі № 1 на вул. Даватара, на вул. Дзяржынскага, 3, на аўтавакзале і ў сцежкавай сетцы ў мікрараёне Дзевятоўка. Завяршыць рамонт плануюць да 8 верасня.
Гродзенская гарадская жыллёва-камунальная гаспадарка праводзіць закупку з адной крыніцы. Гэта будзе каштаваць 65 622 рублёў з гарадскога бюджэту.
Рамонт пройдзе ў рамках рэалізацыі падпраграмы «Даступнае асяроддзе жыццядзейнасці інвалідаў і фізічна аслабленых асоб» Дзяржаўнай праграмы «Сацыяльная абарона» на 2021−2025 гады.
Чытайце таксама: Па Гродна распрацоўваюць эксклюзіўную экскурсію. У яе ўключаць замкі, хоць там няма нават пандусаў
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…