Участак на вуліцы Акадэмічнай, 13 паспрабуюць прадаць з аўкцыёну 18 жніўня 2022 года. Там можа з’явіцца гандлёвы цэнтр, кропка грамадскага харчавання альбо жылы дом. Пра гэта паведаміў Гродзенскі цэнтр нерухомасці.
На аўкцыён выставілі ўчастак памерам каля пяці сотак. Ён знаходзіцца ў дварах насупраць лютэранскай кірхі - паміж дзіцячым садком № 21 і кафэ «Yellowstreet17». Частка зямлі занятая гаражамі, плошча якіх — 98 кв.м.
Паводле ўмоваў аўкцыёна гаражы трэба рэканструяваць і захаваць параметры асноўнага будынка, яго канструкцыйных, архітэктурных і стылістычных асаблівасцей і элементаў. Гэта звязана з тым, што ўчастак знаходзіцца на тэрыторыі гістарычнага цэнтра Гродна, які ахоўваецца як гісторыка-культурная каштоўнасць.
Гаражы можна перабудаваць пад будынак грамадскага прызначэння. Гэта можа быць гандлёвы цэнтр, офісы, кропка грамадскага харчавання, будынак медычнай альбо культурніцкай сферы. Побач можна ўзвесці навабуд падобнага прызначэння або жылы дом.
Зараз на тэрыторыі адсутнічаюць усе камунікацыі, акрамя электрычнасці.
Аўкцыён адбудзецца 18 жніўня 2022 года. Новы ўладальнік атрымае права арэнды тэрыторыі на 50 гадоў.
Пачатковая цана лота — 35,1 тыс. рублёў. З іх 23,7 тыс. рублёў - цана за нерухомасць, а 11,4 тыс. рублёў - права арэнды зямельнага надзела.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
