Адам Мальдис. Фото: nlb.by
Астравецкай раённай бібліятэцы могуць не прысвоіць імя Адама Мальдзіса, як паведамлялася раней. Пра гэта распавяла праўладная актывістка з Гродна Вольга Бондарава. Раней аб прысваенні імя і размяшчэнні адпаведнай шыльды распавёў сын літаратара Яраслаў.
Па словах Яраслава, 24 чэрвеня 2022 года выйшла рашэнне Астравецкага райвыканкама аб перайменаванні бібліятэкі. «Звычайную шыльду ўжо зрабілі. Мемарыяльную не атрымаецца: ёсць пастанова Савета Міністраў № 1372, па якой падобныя дошкі размяшчаюцца на будынках, дзе вядомы чалавек працаваў, або жыў. Мы ў фае будзем рабіць роспіс: адкрытая кніга, на адной старонцы выява Адама Мальдзіса, на другой поўная назва бібліятэкі. Шыльду яшчэ не прымацавалі. Плануем гэта зрабіць да 7 жніўня, 90-годдзя Адама Іосіфавіча», — пісаў Яраслаў Мальдзіс у Facebook са слоў дырэктара бібліятэкі.
«Шыльдачку на раённую бібліятэку ў Астраўцы з імем нацыяналіста Адама Мальдзіса вешаць не будуць. Але гэта не ўсё. Аказваецца, яго імем хацелі таксама назваць адну з Астравецкіх вуліц. Гэтая ідэя таксама прызнана няўдалай. Згодны💯», — напісала Вольга Бондарава ў сваім Telegram-канале. Дакументальнага пацверджання гэтаму пакуль няма.
13 ліпеня Вольга ад імя грамадскага аб’яднання «Гродзенскі гісторыка-патрыятычны пошукавы клуб «Аркона» звярнулася ва ўпраўленне культуры Гродзенскага аблвыканкама, «каб прасігналізаваць аб дзівацтвах, якія адбываюцца ў Астраўцы». Яна лічыць, што кіраўніцтва Астравецкага райвыканкама не мела рацыі, калі «цішком прагаласавала за прысваенне дзяржаўнай установе культуры імя прапольскага дзеяча і махрыстага нацыяналіста Адама Мальдзіса». Адказ ад ведамства яна пакуль не размясціла.
Адам Мальдзіс — савецкі і беларускі літаратуразнаўца, літаратурны крытык, публіцыст, празаік, перакладчык, доктар філалагічных навук. Памёр ва ўзросце 89 гадоў у студзені 2022 года. Мае Ордэн Францыска Скарыны (дзяржаўная ўзнагарода) і медаль «100 гадоў БНР». Заслужаны дзеяч культуры Польшчы. Пісаў для «СБ-Беларусь Сегодня». Узначальваў Нацыянальны навукова-асветніцкі цэнтр імя Францішка Скарыны. Быў сябрам Уладзіміра Караткевіча.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…