Ілюстрацыйнае фота pixabay.com
У Беларусі рэгіструецца варыянт «Амікрона», які мутаваў, — ВА.5. Але ўздыму захворвання няма. Рост захворвання каранавірусам чакаецца ў пачатку верасня, распавёў намеснік міністра аховы здароўя — галоўны дзяржаўны санітарны ўрач Аляксандр Тарасенка.
Краіна знаходзіцца ў міжэпідэмічны перыядзе — ўздыму захворвання няма. Намеснік міністра аховы здароўя паведаміў, што захворванне рэгіструецца менш, чым за два з невялікім гады пандэміі. Гэта адзінкавыя выпадкі.
Рост захворвання чакаецца ў пачатку верасня. Міністэрства аховы здароўя рэкамендуе ўсім, асабліва людзям з груп рызыкі, актыўна рэвакцынавацца. Бустэрызацыя праводзіцца адной дозай.
У Беларусі працягваецца кампанія па вакцынацыі насельніцтва. «На сёння мы наблізіліся да 70-працэнтнай вакцынацыі людзей ад 12 гадоў і старэй. Вакцыны і для поўнага курсу, і для бустэрызацыі дастаткова: у наяўнасці „Спутник V“, „Спутник Лайт“ і кітайская вакцына „Vero Cell“. Гэта тыя прэпараты, з якімі мы працуем з пачатку кампаніі», — сказаў намеснік міністра.
У Гродзенскай вобласці прышчапіліся больш за 693,2 тыс. чалавек (з 1 00,6 тыс.). Больш за 6 480 000 беларусаў атрымалі адну дозу вакцыны супраць COVID-19, з іх больш за 6 395 000 чалавек прайшлі поўны курс вакцынацыі. Адну дозу вакцыны атрымалі больш 148,8 тыс. падлеткаў 12−17 гадоў, з іх больш за 143,2 тыс. — прайшлі поўны курс вакцынацыі.
Ахоп па бустэрнай вакцынацыі ў Беларусі склаў 16%.
Прамысловая вытворчасць вакцыны запланавана на канец 2023-га — пачатак 2024-га. Намеснік міністра падкрэсліў, што тэрміны трохі рухаюцца, бо шэраг «недружалюбных краін» увёў санкцыі, з-за чаго з’явіліся пытанні па набыцці абсталявання, неабходнага для вытворчасці вакцыны.
Разнавіднасці каранавіруса BA.4 і BA.5 былі ўпершыню выяўленыя ў Паўднёвай Афрыцы ў мінулым годзе, і з тых часоў хутка распаўсюдзіліся па ўсім свеце, так што неўзабаве, па думку экспертаў, яны могуць стаць дамінантнымі ў Еўропе і ЗША. Лічыцца, што варыянты «Амікрона» BA.4 і BA.5 не больш смяротныя, чым іншыя тыпы каранавіруса.
Большасць насельніцтва ўжо набыло пэўны імунітэт за кошт прышчэпак або раней перанесенага захворвання, што ў цэлым зніжае рызыку і заражэння, і, у выпадку, калі яно ўсё ж адбылося, цяжкай плыні хваробы, паведамляе BBC. Лепшай, хоць і не ідэальнай, абаронай на сёння, на думку экспертаў, застаецца вакцынацыя і наступныя бустэрныя прышчэпкі.
Сусветная Арганізацыя Аховы здароўя заклікала ўрады ўсіх краін вярнуць масачны рэжым. Падвіды амікрона працягваюць выклікаць новыя хвалі захворванняў, шпіталізацыі і смерцяў па ўсім свеце. На фоне павелічэння колькасці заражэнняў І шпіталізацыі кіраўнік СААЗ Тэдрас Гебрэйесус заклікаў дзяржавы ўжыць правераныя меры, такія як нашэнне масак.
Чытайце таксама:
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…