Юлія Каваленка.
Прысуд — 1,5 гады абмежавання волі - вынес 58-гадовай Юліі Каваленцы суд Ленінскага раёна Гродна. Гэта адбылося 21 чэрвеня 2022 года. Прычына — каментар жанчыны пад запісам на старонцы Hrodna.life у Facebook. Пра гэта паведаміў праваабарончы цэнтр «Вясна».
Юлію Каваленку прызналі вінаватай паводле арт.369 КК (Абраза прадстаўніка ўлады). Акрамя «хатняй хіміі» Каваленка мусіць выплаціць пацярпелым маральную шкоду — 3000 рублёў.
Каваленку асудзілі за каментар, якія яна пакінула ў верасні 2020 года ў суполцы Hrodna.life у Facebook. Пад пастом Юлія напісала: «С*чки». Каментар быў накіраваны ў бок супрацоўніц гродзенскага АМАПу Марыі Мазуркевіч і Юліі Бандарчук. Яны праславіліся тым, што 9 жніўня 2020 года, жорстка збілі фармацэўтку Марыну Палікарпаву. Супрацоўнікі міліцыі выявілі каментар толькі ў красавіку 2022 года.
У час суда жанчына сказала, што раскайваецца ў здзейсненым, што не пісала больш ніводнага каментара, не хадзіла на мітынгі і не падпісвалася на экстрэмісцкія каналы.
Справу разглядаў суддзя Руслан Гурын. Ён раней судзіў гродзенцаў Любоў Сарлай, Марыю Палікарпаву, Ігара Бублікава (Рэмзіка), старшыню Саюза Палякаў Беларусі Анжаліку Борыс, і іншых.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…