eadaily.com
У Гродне адкрыюць Генеральнае консульства Расійскай Федэрацыі. Пра гэта сказаў пасол Расіі ў Беларусі Барыс Грызлоў, паведаміў Telegram-канал «Пул 4 регион».
«Палітычнае рашэнне будзе прынята і абмеркавана на ўзроўні Расійскай Федэрацыі і на ўзроўні Рэспублікі Беларусь» — сказаў Грызлоў падчас візіту ў Гродзенскую вобласць.
Паводле яго словаў, працэс па Генконсульству ў Гродне ўжо запушчаны. Зараз вывучаюць варыянты яго размяшчэння і шукаюць будынак.
Консульства Расіі ёсць у Брэсце. Яно працуе з 1994 года. У Мінску размяшчаецца пасольства Расійскай Федэрацыі.
Зараз адбываецца падрыхтоўка да ІХ Форуму рэгіёнаў Беларусі і Расіі. На ім плануюць перавысіць аб’ём заключэння гандлёвых дамоваў. У 2021 годзе аб’ём дамоваў склаў $ 800 млн.
«Сёння мы абмяркоўвалі пытанні падрыхтоўкі да форуму рэгіёнаў, які будзе праходзіць у Гродзенскай вобласці. Мы сышліся ў ацэнцы, што форум будзе выдатнай магчымасцю ўзмацніць кааперацыйныя сувязі паміж нашымі краінамі. І я рады, што мы сышліся ў ацэнцы, што аб’ём заключаных гандлёвых здзелак, які на мінулым форуме склаў $ 800 млн, у гэтым годзе будзе перавышаны», — сказаў старшыня Гродзенскага аблвыканкама Уладзімір Каранік.
Гродзенская вобласць мае дамовы аб супрацоўніцтве з 27 рэгіёнамі Расіі. Больш за 50% тавараабарота Гродзенскай вобласці прыходзіцца на Расію.
У Гродне размяшчаюцца консульствы чатырох краінаў: Генеральныя консульствы Польшчы і Літвы, а таксама ганаровыя консульствы Кыргызстана і Украіны.
У кастрычніку 2020 года беларускі МЗС запатрабаваў ад пасольстваў Польшчы і Літвы скараціць колькасць дыпламатаў. 11 сакавіка 2021 года беларускае МЗС прапанавала кіраўніку Генеральнага консульства ў Гродне Яраславу Ксёнжаку пакінуць Беларусь цягам 48 гадзін. Раней прапанову пакінуць Беларусь атрымаў консул Польшчы ў Брэсце. Колькасць польскіх консулаў у Гродне ў выніку скарацілася да мінімуму — двух чалавек.
Чытайце таксама:
У самым цэнтры Гродна выставілі на продаж аднапакаёвую кватэру-малютку на Замкавай, 14. Усе яе вокны…
Каворкінг знаходзіцца ў гандлёва-забаўляльным цэнтры Triniti. Гэта шматфункцыянальная пляцоўка "К.І.Т.", у якой можна чытаць кнігі,…
Амаль 39 000 метраў гірляндаў і 280 000 лямпачак спатрэбіцца для ўпрыгожвання Гродна да навагодніх…
Гродзенцы паскардзіліся на недахоп артадонтаў у дзіцячай стаматалагічнай паліклініцы. Каб узяць талон да лекара, людзям…
З пачатку 2024 года ў Гродне крэміравалі 140 чалавек, тады як у 2020 годзе -…
Гродзенскія кавярні вырашылі аб’яднацца і дадаць на восень новыя гастранамічныя спалучэнні кававых напояў і дэсертаў.…