Працэс па прызнанні першаснай арганізацыі Беларускага Незалежнага прафсаюза работнікаў ААТ «Гродна Азот» экстрэмісцкай арганізацыяй, забароне яе дзейнасці і ліквідацыі зрабілі закрытым. Такое рашэнне прынялі ў Гродзенскім абласным судзе. Прадстаўнікі прафсаюза не змаглі прысутнічаць на працэсе — адзін у ізалятары, другі - на працы.
Іск пачалі разглядаць 10 траўня ў Гродзенскім абласным судзе. Старшыня арганізацыі не змог трапіць на працэс — ён адбывае 10 сутак адміністрацыйнага арышту. Намеснік старшыні не змог прысутнічаць на працэсе. У яго была змена на прадпрыемстве. Намеснік старшыні хадайнічаў аб пераносе пасяджэння. Ці задаволілі хадайніцтва, невядома — яго пачалі разглядаць пасля закрыцця працэсу.
У іску ў якасці доказаў былі далучаныя дакумэнты, якія «ўтрымліваюць службовую інфармацыю абмежаванага распаўсюджвання». «Разгляд справы ў адкрытым судовым паседжанні можа прывесці да разгалашэнню звестак, якія складаюць ахоўную законам таямніцу, якая змяшчаецца ў матэрыялах справы», — паведаміла прадстаўнік пракуратуры Гродзенскай вобласці Ганна Саук. Таму яна заявіла хадайніцтва аб разглядзе справы ў закрытым судовым пасяджэнні. Суддзя Жанна Краўчанка з ёй пагадзілася, каб абараніць ахоўную законам інфармацыю.
Што здарылася?
27 красавіка пасля праверкі пракуратура Гродзенскай вобласці прыпыніла дзейнасць першаснай арганізацыі Беларускага Незалежнага прафсаюза работнікаў ААТ «Гродна Азот». Пракурор Гродзенскай вобласці вынес у адрас кіраўніка адпаведную пастанову. У Гродзенскі абласны суд накіравалі заяву аб прызнанні экстрэмісцкай арганізацыяй прафсаюза, забароне яе дзейнасці і ліквідацыі.
Што з старшынёй?
Андрэй Ханевіч адбывае адміністрацыйны арышт. Па розных версіях, яго асудзілі на 10 або 12 сутак. Суд над ім адбыўся ў РАУС. Якім менавіта і за што — інфармацыі ў яго паплечнікаў няма. Паводле іх інфармацыі, ён павінен выйсці ў пятніцу 13 траўня, улічваючы яго папярэднія ўтрыманні ў ізалятары.
У сярэдзіне красавіка былі затрыманыя каля 20 прадстаўнікоў незалежнага прафруху Беларусі. Гэта кіраўніцтва і супрацоўнікі офіса Беларускага кангрэса дэмакратычных прафсаюзаў (БКДП), а таксама лідэры і актывісты, якія ўваходзяць у БКДП прафсаюзаў СПМ (Свабодны прафсаюз металістаў), СПБ (Свабодны прафсаюз Беларусі), РЭП (Беларускі прафсаюз работнікаў радыёэлектроннай прамысловасці).
