Навіны

Соф'і Сапезе вынеслі прысуд у Гродне (абноўлена)

Прысуд палітвязні Соф'і Сапезе, затрыманай разам з Раманам Пратасевічам, вынеслі ў Гродзенскім абласным судзе 6 траўня. Ёй прысудзілі шэсць гадоў пазбаўлення волі з адбываннем пакарання ў калоніі агульнага рэжыму, паведамілі праўладныя Telegram-каналы. Справу Соф'і разглядалі паўтара месяца.

Соф’ю Сапегу прызналі вінаватай паводле двух артыкулах — ч. 3 арт. 130 КК «Распальванне расавай, нацыянальнай, рэлігійнай альбо іншай сацыяльнай варожасці або розні» і ч. 1 арт. 179 КК «Незаконныя збіранне альбо распаўсюджванне звестак аб прыватным жыцці», удакладніў Вярхоўны суд Беларусі. Першапачаткова яе судзілі па сямі артыкулах.

Да абскарджання прысуду Сафія Сапега будзе знаходзіцца ў СІЗА турмы № 1 Гродна, распавёў яе айчым Сяргей Дудзіч блогу «Отражение». У бліжэйшыя тры дні родныя сустрэнуцца з Сафіяй у СІЗА. Ім дадуць кароткатэрміновае спатканне, і блізкія змогуць перадаць дзяўчыне патрэбныя рэчы.

Не ўсіх слухачоў пусцілі ў залу пасяджэння, спасылаючыся на адсутнасць месцаў і тое, што зала ўжо закрытая. На фота дзяржаўных СМІ відаць, што месцы былі. Побач з будынкам суда стаяў заштораны мікрааўтобус і два легкавыя аўтамабілі Geely Atlas, на якіх звычайна перасоўваюцца сілавікі.

Пасяджэнне па справе Соф'і Сапегі ў Гродзенскім абласным судзе 6 траўня. Фота Пул 4 рэгіён

Соф’ю Сапегу ўзялі пад варту ў зале суда. Да гэтага яна была пад хатнім арыштам. Сапегу абавязалі выплаціць пацярпелым — сілавікам, журналістам, суддзям — кампенсацыю маральнай шкоды на суму 167 500 рублёў і судовую пошліну 7 488 рублёў, паведаміла «Медиазона. Беларусь». Якое пакаранне ёй запатрабаваў пракурор, невядома — справа была закрытай, а Соф’я ў судзе адмовіліся пра гэта казаць.

У зале былі мама і айчым Соф'і, ад каментароў прэсе яны адмовіліся, піша Sputnik.by. На абвяшчэнне прысуду таксама прыбыў прадстаўнік Генеральнага консульства РФ у Брэсце віцэ-консул Сяргей Лапцеў.

Соф’ю судзілі ў закрытым рэжыме

Судовае пасяджэнне над палітвязняволенай Сафіяй Сапегай пачалося 28 сакавіка ў Гродзенскім абласным судзе. Справу разглядаў суддзя Віктар Сянько, дзяржабвінаваўца — Наталля Сакалова.

У той дзень каля суда заўважылі мужчын у цывільным, падобных да міліцыянтаў. У будынку суда быў начальнік міліцыі грамадскай бяспекі УУС Гродзенскага аблвыканкама Віталь Стасюкевіч. Двое міліцыянтаў у форме патрулявалі будынак суда.

Яе судзілі ў закрытым рэжыме. Пра гэта хадайнічала дзяржаўны абвінаваўца. Звязана гэта з тым, што ў ходзе разгляду крымінальнай справы агучылі персанальныя дадзеныя больш за 230 чалавек. Сярод іх — суддзі, пракурорскія работнікі, супрацоўнікі органаў унутраных спраў і іншыя. А таксама ў мэтах распаўсюду інфармацыі, якая носіць экстрэмісцкі характар. Сапега падтрымала хадайніцтва.

Сафію затрымалі год таму

Сафію Сапегу затрымалі 23 траўня 2021 года разам з Раманам Пратасевічам. Іх знялі з прымусова пасаджанага ў Беларусі рэйса Ryanair. Яе судзілі па сямі артыкулах КК:

  • 198 — Перашкода законнай прафесійнай дзейнасці журналіста;
  • 365 — Умяшанне ў дзейнасць супрацоўніка органаў унутраных спраў;
  • арт. 203 заўв. 1 ч. 1 — Незаконныя дзеянні ў дачыненні да інфармацыі аб прыватным жыцці і персанальных дадзеных;
  • 130 ч. 3 — Распальванне расавай, нацыянальнай, рэлігійнай альбо іншай сацыяльнай варожасці або варожасці;
  • 364 — Гвалт альбо пагроза ўжывання гвалту ў дачыненні да супрацоўніка органаў унутраных спраў;
  • арт. 203 заўв. 1 ч. 2 — Незаконныя дзеянні ў дачыненні да інфармацыі аб прыватным жыцці і персанальных дадзеных;
  • 366 ч. 1 — Гвалт альбо пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак;
  • 389 — Пагроза ў дачыненні да суддзі або народнага засядацеля.

Расследаванне яе справы праводзілі ў Мінску, але перадалі на разгляд у Гродна — магчыма, таму, што Сапега прапісаная ў Лідзе. Сафія Сапега заключыў дасудовае пагадненне са следствам. У снежні 2021-га яна напісала прашэнне аб памілаванні Аляксандру Лукашэнку. Таму ёй пагражала шэсць гадоў зняволення — замест 12. Яна прызнана палітзняволенай.

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025