Навіны

У Беларусі некамерцыйныя арганізацыі пасартуюць па ступені «фінансавання тэрарызму». Раней іх масава ліквідавалі

Некамерцыйныя арганізацыі ў Беларусі збіраюцца кантраляваць, каб яны не «фінансавалі тэрарызм». Гэтым зоймецца Камітэт дзяржаўнага кантролю, паведамілі у ведамстве 28 красавіка.

У ведамстве збіраюцца выпрацаваць механізмы кантролю за некамерцыйнымі арганізацыямі. У планах — карэкціроўка заканадаўства, навучальныя мерапрыемствы з прадстаўнікамі НКА і «спецыяльнае маштабнае мерапрыемства» па ацэнцы рызык. Ацэнку збіраюцца правесці ў бліжэйшы час.

У ацэнкі дзве асноўныя задачы. Першая — выявіць формы НКА, у якіх ніжэй рызыка ўключэння ў злачынную дзейнасць. Другая — сканцэнтраваць кантроль на тых формах НКА, якім прысвояць высокую і сярэднюю ступень рызыкі.

Ліквідацыя арганізацый у Гродне

Летам 2021 года ў Беларусі пачаліся ліквідацыі дзесяткаў грамадскіх арганізацый. Больш за 10 арганізацый у Гродне ліквідавалі па рашэнні суда, сем — па рашэнні выканкамаў, некаторыя пачалі працэс ліквідацыі самастойна. Многія арганізацыі не былі звязаны з палітыкай, а займаліся настольнымі гульнямі, развіццём спорту і інфраструктуры, адукацыяй, аховай прыроды, краязнаўствам.

Ліквідацыя працягваецца і ў 2022 годзе. Напрыклад, у красавіку праз суд збіраліся ліквідаваць Гродзенскае грамадскае аб’яднанне «Краязнаўчае таварыства — Коматава». Арганізацыя займалася вывучэннем гісторыі цэркваў, захаваннем і аднаўленнем гісторыка-культурнай спадчыны.

Сітуацыя ў краіне

У сакавіку 2022 года колькасць прымусова ліквідаваных некамерцыйных арганізацый дасягнула адзнакі 382 арганізацый, а колькасць некамерцыйных арганізацый, якія прынялі рашэнне аб самастойнай ліквідацыі - 271. Такім чынам, грамадзянскі сектар Беларусі, пачынаючы з пасады выбарчага перыяду 2020 года, страціў ужо 653 зарэгістраваных грамадскіх аб’яднанняў, фонды, недзяржаўныя установы і асацыяцыі, падлічылі праваабаронцы Lawtrend.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025