Навіны

У візавым цэнтры ў Гродне спынілі прымаць дакументы па жывой чарзе. У чарзе стаяла па 100 чалавек штодня

З 28 красавіка ў візавым цэнтры на вул. Горкага ў Гродне перасталі прымаць дакументы па жывой чарзе. Цяпер падаць дакументы на польскую візу можна толькі пасля анлайн-рэгістрацыі. Чэргі каля візавага цэнтра штодня налічвалі ад 30 да 100 чалавек.

Прычына — вялікі попыт, паведамілі чытачу Hrodna.life, які спрабаваў падаць дакументы на візу такім спосабам 28 красавіка. Атрымаць каментар у візавым цэнтры Hrodna.life не атрымалася — размаўляў з карэспандэнткай толькі аўтаадказчык.

Паводле інфармацыі Hrodna.life, у візавым цэнтры ўжо перыядычна пераставалі прымаць дакументы па жывой чарзе — на два тыдні. Але потым аднаўлялі падачу дакументаў у такім фармаце.

Хто можа прайсці па жывой чарзе?

Падобныя чэргі каля візавага цэнтра з’яўляліся як мінімум з сакавіка 2022 года. Калі не атрымлівалася запісацца анлайн, па жывой чарзе падаць дакументы на візу могуць беларусы з картай паляка або працоўнай дамовай.

Як правіла, кожны дзень у 15.00 супрацоўнік візавага цэнтра выходзіць да людзей і кажа, колькі людзей яны змогуць прыняць. Паводле інфармацыі Hrodna.life, некалькі дзён не прымалі нікога. «Таму што людзям тлумачылі, што не стойце цэлы дзень, а прыходзьце да трох, а яны цэлы дзень стаялі і яны (супрацоўнікі візавага цэнтра — Hrodna.life) паведамілі, што вырашылі наогул нікога не пускаць», — паведаміла крыніца Hrodna.life.

У некаторых станоўчы досвед: у гродзенкі атрымалася падаць дакументы на візу за два дні. Тыдзень таму, з 18 па 22 красавіка, паперы на падачу на візы давалі ўжо на травень.

Праблема з візамі - і ў Tik Tok

Карыстальнік з Гродна запосціў у Tik Tok Відэа з чаргой на некалькі дзясяткаў чалавек ля візавага цэнтра. Яго відэа сабрала больш за 170 каментароў за суткі.

«Гадоў 25 такія чэргі, а да электронных анкет і побольш былі каля чыгуначнага вакзалу», — пракаментаваў адзін з карыстальнікаў.

«Я там стаяў з нядзелі вечара да вечара аўторка. Затое ўдалося падаць дакументы на візы. Учора быў апошні дзень. Выдалі паперку з датай, калі трэба прыходзіць і падаваць дакументы», — напісаў Валерый.

«Ва ўсіх візавых цэнтраў падобная сітуацыя», — напісаў карыстальнік.

«310 рублёў пасярэдніку і не трэба стаяць у чарзе, я ўжо атрымаў», — пракаментаваў Андрэй.

Чэргі па візы

Абмежаванні на наземны выезд з краіны Беларусь зняла 1 красавіка. Гэта актуалізавала пытанне атрымання віз. З-за вайны ва Украіне амаль усе краіны адмовіліся адкрываць беларусам візы. Многія краіны і раней перасталі выдаваць пэўныя катэгорыі шэнгенскіх віз, напрыклад, турыстычныя. У Гродне актуальнае пытанне атрымання польскіх нацыянальных віз: па карце паляка, рабочых і гуманітарных.

Пра праблемы з візамі казалі і гродзенскія турфірмы. Напрыклад, мінскія партнёры Гродзенскай фірмы працуюць з турыстычнымі візамі ў Грэцыю. На пачатак красавіка ў чарзе было больш за 800 чалавек.

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025