Прызначылі дату суду над прадпрымальнікам і палітвязнем Мікалаем Аўтуховічам

Мікалай Аўтуховіч. Фота: Беларускі Партызан

Прадпрымальніка з Ваўкавыску Мікалая Аўтуховіча пачнуць судзіць 16 траўня ў Гродзенскім абласным судзе. Пра гэта паведаміў праваабаронца Сяргей Сыс — у раскладзе пасяджэнне пакуль не з’явілася. Мікалая Аўтуховіча будуць судзіць па 12 артыкулах Крымінальнага кодэкса.

Экс-палітвязня Мікалая Аўтуховіча затрымалі ў снежні 2020 года. Яго абвінавацілі ў стварэнні «тэрарыстычнай групоўкі», якая дзейнічала на тэрыторыі Гродзенскай вобласці - падпальвала аўтамабілі і дамы супрацоўнікаў міліцыі. Пракуратура Гродзенскай вобласці направіла ў Гродзенскі абласны суд крымінальную справ ў дачыненні да Мікалая Аўтуховіча і 11 удзельнікаў яго «групы». Яго будуць судзіць за:

стварэнне злачыннай арганізацыі і ўдзел у ёй па ч. ч. 1−3 арт. 285 КК,
замах на захоп дзяржаўнай улады неканстытуцыйным шляхам па ч. 1 арт. 14 і ч. 2 арт. 357 КК,
здрада дзяржаве па ч. 1 арт. 356 КК (інкрымінавана толькі Аўтуховічу),
распальванне іншай сацыяльнай варожасці або варажнечы па ч. 3 арт. 130 КК,
заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь, па ч. 3 арт. 361 КК,
замах на ўцягванне ў тэрарыстычную дзейнасць па ч. 1 арт. 14 і ч. 1 арт. 290−2 КК,
акт тэрарызму і падрыхтоўка да яго паводле ч. 3 арт. 289, а таксама ч. 1 арт. 13 і ч. 3 арт. 289 КК,
незаконныя дзеянні ў дачыненні да агнястрэльнай зброі, боепрыпасаў, выбуховых рэчываў і выбуховых прылад, у тым ліку падрыхтоўка да такіх дзеянняў па ч. 3 і ч. 4 арт. 295, а таксама ч. 1 арт. 13 і ч. 4 арт. 295 КК,
незаконнае перамяшчэнне праз мытную мяжу ЕАЭС і дзяржаўную мяжу Рэспублікі Беларусь агнястрэльнай зброі, камплекты боепрыпасаў да яго, выбуховых рэчываў, выбуховых прылад па ч. 3 арт.333−1 КК,
незаконныя дзеянні ў дачыненні да прадметаў, паражаючае дзеянне якіх заснавана на выкарыстанні гаручых рэчываў, па ч. 1 арт. 295−3 КК;
арганізацыя і падрыхтоўка дзеянняў, якія груба парушаюць грамадскі парадак, па ч. 1 арт.342 КК,
ўкрывальніцтва цяжкага злачынства па ч. 1 арт. 405 КК

Разам з Мікалаем затрымалі яшчэ некалькі чалавек. Сярод іх праваслаўны святар Сяргей Разановіч, яго жонка любоў і сын. Таксама па справе праходзіць 59-гадовая Галіна Дзербыш з Абухава.

Суддзя — Максім Філатаў. Яго на пяцігадовы тэрмін прызначылі суддзёй Гродзенскага абласнога суда, вызваліўшы ад пасады намесніка старшыні і суддзі суда Лідскага раёна. Філатаў вядомы тым, што асудзіў памерлага ў калоніі Вітольда Ашурка і трапіў у чацвёрты пакета санкцый Еўразвяза супраць беларускага рэжыму.

Хто такі Мікалай Аўтуховіч?

Мікалай Аўтуховіч — ветэран афганскай кампаніі, прадпрымальнік і дэмакратычны актывіст з Ваўкавыска. 7 ліпеня 2006 года быў асуджаны на 3 гады і 6 месяцаў з канфіскацыяй маёмасці. Суд прызнаў яго вінаватым ва ўхіленні ад выплаты падаткаў з нанясеннем шкоды бюджэту ў асабліва буйным памеры, а таксама ў ажыццяўленні прадпрымальніцкай дзейнасці без рэгістрацыі і атрымання ліцэнзіі.

Аўтуховіч быў адным з шасці палітвязняў, якіх вызвалілі ў выніку жорсткіх санкцый ЗША і ЕЗ. Але 8 лютага 2009 года яго зноў затрымалі і ў 2010 годзе асудзілі нібыта за захоўванне зброі. Мікалая вызвалілі 8 красавіка 2014 год. Тэрмін зняволення ён адбыў цалкам, паведамляе palitviazni info.