Наогул дудлінг — гэта крамзолі. Так што такая тэхніка роспісу даступная ўсім, піша Telegram-канал «Тётя Ира Разрешила». Асабліва — аматарам запаўняць калякамі-малякамі цэлыя старонкі нататнікаў у час планёрак. Калі гэта пра вас — то чаму б не выкарыстоўваць адпрацаваную тэхніку для роспісу яек? А калі не пра вас — чаму б не паспрабаваць зрабіць звыклыя рэчы па-новаму? # #ТетяИраРазрешила і таксама распісала яйкі ў тэхніцы дудлінг. Паглядзіце, што атрымалася.
Што з фонам?
Яйкі трэба зварыць. Гэта галоўнае. Што рабіць з фонам — вырашайце самі. Можна маляваць па белым. Або спачатку пафарбаваць яйкі цыбулевым шалупіннем.
![покрасить яйца на Пасху](https://ru.hrodna.life/wp-content/uploads/2022/04/jajca-dudling-5-800x448.webp)
Чым малюем?
Для роспісу патрэбныя будуць чорны і белыя колеры. У Цёці Іры ў гаспадарцы знайшоўся чорны маркер з вадараспушчальнымі чарніламі і белая гуаш. Калі ў вас ёсць белы маркер — таксама добра. Можна выкарыстоўваць фламастары або акрылавыя фарбы.
![расписать яйца в технике дудлинг](https://ru.hrodna.life/wp-content/uploads/2022/04/jajca-dudling-7-800x361.webp)
Што малюем?
Што хочам, то і малюем — #ТетяИраРазрешила. Дудлінг — гэта сучаснае мастацтва і ірацыянальны стыль малявання. Правілаў тут няма. Можа вам захочацца маляваць простыя геаметрычныя фігуры. А можа — кветкава-раслінныя кампазіцыі або россыпы кропак, палачак і спіралек. У дудлінгу галоўнае — пачаць.
![Распісваем яйкі ў тэхніцы дудлінг. Патрэбныя цыбулевае шалупінне і маркер](https://ru.hrodna.life/wp-content/uploads/2022/04/jajca-dudling-6-800x360.webp)
Далей працэс зацягвае і сам дыктуе логіку. У канцы вы самі здзівіцеся выніку — праўда-праўда.
Дудлінг. Чаму цяпер?
Маляванне простых элементаў - добры спосаб расслабіцца, адключыць бясконцую плынь думак у галаве. Самі заўважыце, як уся ўвага сыдзе ў рукі і на паўгадзіны для вас стануць важнымі палосачкі і кропачкі. Ці кветачкі і лісцікі.
![расписать яйца в технике дудлинг](https://ru.hrodna.life/wp-content/uploads/2022/04/jajca-dudling-2-800x361.webp)
Праз паўгадзіны ў вас будзе не толькі распісанае яйка. Напэўна, атрымаецца здзівіцца сваім талентам і здольнасцям, усвядоміць уласную крэатыўнасць і метафарычнасць мыслення.
![расписать яйца в технике дудлинг](https://ru.hrodna.life/wp-content/uploads/2022/04/jajca-dudling-4-800x361.webp)
Настрой дудлінг дакладна падымае, а гэта — самае галоўнае перад святамі.
![Распісваем яйкі ў тэхніцы дудлінг. Патрэбныя цыбулевае шалупінне і маркер](https://ru.hrodna.life/wp-content/uploads/2022/04/jajca-dudling-3-800x361.webp)
У гэтым выпадку трэба акуратна зрабіць адтуліну ў сырым яйку і выліць змесціва. А далей — рабіць роспіс любымі маркерамі і фарбамі.