Ілюстрацыйнае фота pixabay.com
У красавіку на сайце СШ № 8 Гродна зменяць інфармацыю ў раздзеле «Я — грамадзянін Рэспублікі Беларусь». Цяпер там у ліку першых распавядаюць пра Барбару Радзівіл, Тадэвуша Касцюшку і Ігната Дамейку. Інфармацыю зменяць згодна з «нарматыўным прававым дакументам па патрыятычнаму выхаванню навучэнцаў». Прычынай стаў зварот актывісткі «ІнфаСпецНаз» Вольгі Бондаравай. З ёй пагадзіўся начальнік Галоўнага ўпраўлення адукацыі Руслан Абрамчык.
Вольга Бондарава зайшла на сайт СШ № 8 і ўбачыла інфармацыю аб знакамітых ураджэнцах Беларусі. Першыя тры героя — Барбара Радзівіл, Тадэвуш Касцюшка і Ігнат Дамейка. На яе думку, гэта матэрыялы, «якія праслаўляюць польскіх акупантаў і тутэйшых калабарацыяністаў замест савецкіх і беларускіх патрыётаў сваёй краіны, гонарам і доблесцю даказалі сваё права на падзяку нашчадкаў».
«Дзяцей вучаць любіць русаненавіснікаў. А тое, што знакамітай гістарычнай фігурай быў Фелікс Дзяржынскі, пра гэта „забыліся“ згадаць. Ну так, куды яму да змагара Дамейкі або тэрарыста Касцюшкі…», — мяркуе Вольга.
Адказ ад начальніка аддзела адукацыі, спорту і турызму адміністрацыі Ленінскага раёна Гродна Аксаны Тарасевіч размясціла Вольга Бондарава. У ім паведамілі, што пры напаўненні падзелу «Я — грамадзянін Рэспублікі Беларусь» выкарыстоўвалі матэрыялы з афіцыйнага сайта Рэспублікі Беларусь Belarus.by. Інфармацыю размясцілі ў верасні 2019 года і з тых часоў не мянялі. Адміністрацыі школы сказалі падкарэктаваць яе.
Таксама ў адказе паведамілі, што праца па патрыятычным выхаванні ў школах будуецца ў адпаведнасці з Канстытуцыяй, Кодэксам аб адукацыі, Канцэпцыяй бесперапыннага выхавання дзяцей і моладзі, якая навучаецца, на 2021−2025 гады, Праграмай патрыятычнага выхавання насельніцтва на 2022−2025 гады і іншымі нарматыўнымі дакументамі.
Пазней гродзенцы звярнуліся ў Міністэрства адукацыі. Зварот перанакіравалі ў Галоўнае ўпраўленне адукацыі Гродзенскага аблвыканкама. Адказ на яго за подпісам начальніка ўпраўлення Руслана Абрамчыка 15 красавіка размясціла ў Telegram-канале Вольга Бондарава.
Раздзел «Я — грамадзянін Рэспублікі Беларусь» дапоўняць новай інфармацыяй. Інфармацыю ў красавіку выправяць дырэктар Аляксандр Каваленка і адміністрацыя школы. У адказе на зварот падкрэслілі, што дырэктар на пасадзе з 1 красавіка 2022 года. Пры разглядзе звароту аддзел адукацыі, спорту і турызму адміністрацыі Ленінскага раёна Гродна арганізаваў сумоўе з адміністрацыяй школы, узяў тлумачэнні і правёў маніторынг сайта. У траўні аддзел адукацыі паўторна праманіторыць сайт школы.
Пакуль падраздзел «Вядомыя беларусы» з сайта СШ № 8 прыбралі. Інфармацыя на сайце Belarus.by засталася ранейшай.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…