"Гродна Азот". Фота: Hrodna.life
Пытанне аб працягу фінансавання міжнародных грамадскіх арганізацый паднялі на сходзе дырэкцыі «Гродна Азот» 15 красавіка. Акрамя таго, кіраўніцтва незадаволена працай Беларускага Незалежнага прафсаюза. Яны не падтрымалі зварот супраць санкцый і не ўдзельнічалі ў суботніку. Пра гэта паведамілі ў карпаратыўным выданні «Гродзенскі хімік».
На думку прадпрыемства, грамадскія арганізацыі не прымаюць меры па «неправамерным ўвядзенні» санкцый у дачыненні да «Гродна Азот». Гэтым яны нібыта замоўчваюць факт дыскрымінацыі работнікаў. Прадпрыемства разбярэ, наколькі мэтазгодная выплата членскіх узносаў у цэнтральныя апараты аб’яднанняў прафсаюзаў і іншых грамадскіх арганізацый. Па іх думку, яны не выконваюць галоўнай функцыі — абароны права чалавека на працу. Якія менавіта арганізацыі маюцца на ўвазе, не ўдакладнілі.
Кіраўніцтва прадпрыемства адзначыла, што ў Беларускім незалежным прафсаюзе не падтрымалі звароту Белхімпрафсаюзу аб адмене санкцый. «Галаслоўныя і правакацыйныя заявы аб парушэнні правоў сябраў БНП або магчымых звальненнях, якімі незалежны прафсаюз апраўдвае неўмяшанне ў дадзеную праблему, перш за ўсё сведчаць аб яго дэкструктыўным і спажывецкім дачыненні да заводу», — лічыць кіраўніцтва.
БНП утвораны ў 1991 годзе. Налічвае больш за 5000 работнікаў у рознагаліновых сферах вытворчасці. «Гродна Азот» — адзін з актыўных удзельнікаў аб’яднання. Застаецца найбольш фінансава незалежнай недзяржаўнай арганізацыяй за кошт прафсаюзных узносаў сваіх членаў.
Чытайце таксама:
Таксама на прадпрыемстве адзначылі, што незалежны прафсаюз актыўна не ўдзельнічаў у «добраахвотнай грамадска карыснай працы» на рэспубліканскім суботніку. У кіраўніцтве «шкадуюць» пра гэта.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…