Галінкі вярбы перад асвячэннем ва Уладзімірскім храме Гродна, 17 красавіка 2022 года
З раніцы 17 красавіка гродзенскія праваслаўныя вернікі прыйшлі ў храмы на асвячэнне вербаў. Карэспандэнты Hrodna.life паглядзелі, як прайшла служба ва Уладзімірскім храме.
Лічыцца, што сустракалі пальмавымі галінамі і віталі Ісуса ў час ўваходжання ў Ерусалім. У Беларусі пальмы не растуць — іх у нас замянілі галінкамі вярбы. Іх ўпрыгожваюць самастойна ці купляюць каля храмаў. Да самага пачатку службы можна было выбраць сабе вербавы букецік на любы густ: ад сучасных з куранятамі да класічных з кветкамі.
Прадаўцы распавялі, што папулярнасцю карыстаюцца вербы з пупышкамі. Хтосьці бярэ тыя, што ўжо распусціліся, а хтосьці мяккія і пухнатыя. Такія галінкі вярбы часта называюць «коцікамі».
Каля храма шмат параў і сем’яў з дзецьмі. Святар вітае ўсіх і віншуе са святам. Ён гучна просіць вернікаў падняць галінкі вярбы вышэй і вітаць уваходжанне Гасподняе ў Ерусалім. Прыхаджане ўсміхаюцца, дзеці імкнуцца падняць вярбы вышэй за галаву.
Асвячоныя вярбы людзі выносяць з сабой. Лічыцца, што гэтыя галінкі абараняюць дом ад бедаў, а гаспадароў - ад хвароб.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
