Навіны

Лукашэнка адкрыў у Гродне новую залу для кікбоксінгу

У Гродне адкрылі абноўленую залу для заняткаў кікбоксінгам і тайскім боксам. Залу 13 красавіка адкрыў спартыўна-дабрачынны праект «Смелый шаг», кіраўнік якога — Дзмітрый Лукашэнка. Пра гэта паведаміла БелТА.

Абноўленая зала для кікбоксінга ў Гродне. Крыніца: БелТА

Мэта адкрыцця залы — дапамога дзецям з неблаганадзейных і шматдзетных сем’яў. Заняткі будуць адбывацца бясплатна. Зала разлічана на 100 спратоўцаў. На заняткі па тайскім боксе ўжо запісаліся 30 падлеткаў ад 10 да 15 гадоў.

«Гэта будзе ў першую чаргу дапамога для дзяцей, якія патрапілі ў складаную жыццёвую сітуацыю. Наш від спорту дапаможа ім рэалізаваць сябе, дасягнуць нейкіх высотаў, а ў будучыні абараніць сябе, сваю сям’ю, сваю радзіму», — сказаў на адкрыцці шматразовы чэмпіён свету па тайскім боксе і кікбоксінгу Дзмітрый Варац.

Абноўленая зала для кікбоксінга ў Гродне. Крыніца: БелТА

Залу адкрываў Лукашэнка

Падчас адкрыцця залы прысутнічаў сярэдні сын Аляксандра Лукашэнкі Дзмітрый. Ён з’яўляецца старшынёй Прэзідэнцкага спартовага клуба. Таксама прыйшоў памочнік Аляксандра Лукашэнкі па Гродзенскай вобласці Юрый Караеў. Падобныя залы адкрылі ўжо ва ўсіх вобласцях Беларусі і ў Мінску. У іх займаюцца больш за 170 дзяцей ад 10 да 15 гадоў.

Чытайце таксама: «Хаджу па Савецкай, каб паглядзець, як сонца заходзіць». Юрый Караеў распавёў пра любімыя месцы ў Гродне і што ў нашым горадзе засмучвае мінчан

Дзе знаходзіцца зала

Абноўленую залу адкрылі на базе для заняткаў кікбоксінгам і тайландскім боксам на вул. Паповіча, 3. Весці заняткі будзе Дзмітрый Варац.
У 2018 годзе Варац адкрыў у Гродне свой байцоўскі клуб. Там трэнірурецца больш за 100 чалавек. Некаторыя з іх — прызёры рэспубліканскіх і міжнародных спаборніцтваў.

Дзмітрый Варац. Крыніца: БелТА
Падзяліцца
Меткі: спортулады

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025