Анджей Почобут. Фото: Facebook
Палітвязень гродзенскі журналіст Анджэй Пачобут знаходзіўся ў мінскім СІЗА на Валадарскага ў ізалятары, дзе праводзяць апошнія дні асуджаныя да смяротнага пакарання з 14 красавіка да 17 траўня 2021 года, піша Telegram-канал «Право им**т» са спасылкай на Rzeczpospolita.
«Гэта так званы калідор смерці, за сцяной у суседняй камеры знаходзіўся асуджаны на расстрэл» — расказаў Rzeczpospolita чалавек, які правёў некаторы час з журналістам у адной камеры.
Трымаючы Пачобута ў месцы, прызначаным для асуджаных да расстрэлу, яго, імаверна, хацелі прымусіць пакінуць краіну. Журналіст неаднаразова адхіляў прапанову аб вызваленні ў абмен на просьбу аб памілаванні.
Жонка Андрэя Пачобута Аксана месяц не атрымлівала лістоў ад мужа, але апошнім часам перапіска аднавілася, распавяла яна. «Андрэй вельмі рады, што, акрамя яго, ніхто з актывістаў Саюза палякаў Беларусі больш не знаходзіцца за кратамі, што ён будзе адчуваць сябе спакойна ў гэтай сітуацыі», — паведаміла яна выданню.
Паводле інфармацыі Rzeczpospolita, улады Беларусі праводзяць «экспертызу» дзейнасці непрызнанага імі Саюза палякаў і хочуць абвінаваціць найбуйнейшую польскую арганізацыю ў краіне ў «парушэнні тэрытарыяльнай цэласнасці Беларусі». Магчыма, гаворка ідзе пра арт. 361 Крыминальнага кодэкса.
Анджэй Пачобут — журналіст і адзін з лідараў непрызнанага беларускімі ўладамі Саюза палякаў Беларусі. Працаваў у недзяржаўных беларускіх медыя і супрацоўнічаў з замежнымі выданнямі. Вывучае гісторыю Арміі Краёвай на тэрыторыі Беларусі.
Журналіста затрымалі ў сакавіку 2021 года па так званай «справе палякаў». Тады беларуская пракуратура ўзбудзіла крымінальную справу за ўшанаванне антысавецкіх дзеячаў. МЗС Беларусі выслала з краіны консула ў Брэсце Ежы Цімафеюка, а пасля і генеральнага консула Гродна Яраслава Ксёнжыка. У рамках гэтай справы таксама затрымалі лідарку Саюза палякаў Анжаліку Борыс. З 25 сакавіка 2022 года яе перавялі пад хатні арышт. Трох іншых фігурантак «польскай справы» вывезлі ў Польшчу ў канцы траўня 2021 года. Гэта Ганна Панішава і прадстаўніцы грамадскіх польскіх школ у Лідзе і Ваўкавыску Ірэна Бернацкая і Марына Цішкоўская. Перад гэтым ім далі падпісаць дакументы пра змену меры стрымання.
Анджэю Пачобуту прад’явілі афіцыйнае абвінавачванне паводле арт. 130 КК «Распальванне расавай, нацыянальнай, рэлігійнай альбо іншай сацыяльнай варажнечы». Яму пагражае ад 5 да 12 гадоў пазбаўлення волі. Пачобута прызналі палітвязнем. Зараз ён знаходзіцца ў турме № 8 у Жодзіне. Вядома, што ў журналіста ёсць праблемы са здароўем.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…