Рамонт на вуліцы Ажэшкі плануюць скончыць у канцы красавіка — пачатку траўня 2022 года. Дакладная дата будзе залежаць ад умоваў надвор’я. Пра гэта паведаміў тэлеканал «Гродно Плюс».

Рамонт вуліцы Ажэшкі скончаць у канцы красавіка. Але ўсё будзе залежаць ад надвор’я
Рамонт на вуліцы Ажэшкі. Фота: Hrodna. life

Зараз адбываецца добраўпарадкаванне ўчастка побач з Прывакзальнай плошчай. Там змяняцюь наземныя і падземныя камунікацыі. Пазней плануюць заняцца пешаходнымі сувязямі. Таксама ўсталююць газонны і тратуарны борт, пакладуць плітку.

Калі на вуліцы Ажэшкі пачалі рамонт

Комплекснае добраўпарадкаванне на вуліцы Ажэшкі пачалі ў студзені 2022 года. Яно адбываецца на ўчастку паміж вуліцай Леніна і Прывакзальнай плошчай. Паводле плану павінны адрамантаваць і часткова замяніць усе наземныя і падземныя камунікацыі. Пасля — памяняць асфальт, высадзіць новыя дрэвы, хмызнякі і кветкі.

Рух па гэтым фрагменце вуліцы Ажэшкі перакрыты з 21 лютага да 29 красавіка 2022 года.

Рамонт вуліцы Ажэшкі скончаць у канцы красавіка. Але ўсё будзе залежаць ад надвор’я
Рамонт на вуліцы Ажэшкі. Фота: Hrodna. life

Падчас рамонту ў пачатку сакавіка на вуліцы Ажэшкі спілавалі старыя каштаны. На адным з бакоў праезнай часткі пачалі мяняць камунікацыі і дзеля гэтага высеклі дрэвы. Прадугледжана, што ў межах добраўпарадкавання ім высадзяць замену.

Рамонт вуліцы Ажэшкі скончаць у канцы красавіка. Але ўсё будзе залежаць ад надвор’я
Спілованыя каштаны на вуліцы Ажэшка. Крыніца: Тэлеграм-канал «Urban Hrodna»

Чытайце таксама: На Ажэшкі спілавалі старыя каштаны. Ці высадзяць замену?