Новы рэктар ГрДМУ Ігар Жук. Крыніца: grodnonews.by
Новага рэктара Гродзенскага дзяржаўнага медычнага ўніверсітэта 21 сакавіка прызначыў Аляксандр Лукашэнка. Ім стаў прафесар універсістэта Ігар Жук, паведаміла БелТА.
Ігар Жук скончыў Гродзенскі медычны інстытут у 1979 годзе па спецыяльнасці «Лекавая справа». Інтэрнатуру праходзіў у Мінскай абласной клінічнай больніцы па спецыяльнасці «хірургія». У 1986 годзе атрымаў навуковую ступень кандыдата медычных навук па той жа спецыяльнасці. У 2001 годзе яму прысвоілі званне прафесара.
Працаваў намеснікам старшыні Гродзенскага аблвыканкама з 2009 года. У красавіку 2014 яго абралі старшынёй абласнога Савета дэпутатаў. З 2017 года — прафесар кафедры аператыўнай хірургіі і тапаграфічнай анатомі. Узнагароджаны медалём Францыска Скарыны.
Пасля прэзідэнцкіх выбараў 2020 года Ігар Жук разам з іншымі чыноўнікамі выступаў на плошчы Леніна перад пратэстоўцамі.
Пазней ён запісаў зварот, у якім сцвярджаў, што «ў адрас дэпутатаў Гродзенскага абласнога Савета паступаюць шматлікія звароты». У іх гродзенцы нібыта пераймаліся за захаванне суверэнітэта краіны і прасілі «навесці парадак на вуліцах і плошчах».
Папярэдняга рэктара Алену Краткову у снежні 2021 года прызначылі на пасаду намесніка міністра аховы здароўя. На пасаду рэктара ГрДМУ яе прызначылі ў верасні 2020 года пасля таго, як з пасады знялі папярэдняга рэктара Віктара Сняжыцкага. У жніўні 2020 года ён асуджаў дзеянні сілавікоў у сваім Facebook.
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…