Тралейбус № 20 зноў будзе ездзіць на Вішнявец: маршрут

Тралейбус № 20, які зараз ходзіць па маршруце «Гроднапрамбуд-Дзевятоўка», зноў будзе хадзіць на Вішнявец. Яго пусцяць праз Усходні мост.

Тралейбус перастаў хадзіць на Вішнявец з-за цалкам закрытага на рамонт Румлёўскага моста. З 13 сакавіка маршрут тралейбуса з № 20 «Гроднапрамбуд — Дзевятоўка» мяняецца на № 20 «Вішнявец — Дзевятоўка».

Ён паедзе ў прамым кірунку: прыпынак «Вішнявец» — праспект Кляцкова, далей праспект Я. Купалы — Усходні мост — вуліца Карскага — прыпынак «Гродна Азот» — праспект Касманаўтаў - вуліца Магістральная. Далей па сваім маршруце без зменаў.

У зваротным кірунку: прыпынак «Дзевятоўка» — вуліца Магістральная (без зменаў). Далей праспект Касманаўтаў - прыпынак «Гродна Азот» — вуліца Карскага — Усходні мост — вуліца Паўднёвая — прыпынак «Вішнявец».

Калі завершаць працы

Рамонт моста плануюць скончыць да чэрвеня. Раней рух не збіраліся перакрываць цалкам. Мост цалкам закрылі спачатку на два дні у лютым, пасля паведамілі, што ён не адкрыецца да 1 красавіка.

11 сакавіка з’явілася інфармацыя, што рух па Румлёўскім мосце не адновіцца яшчэ мінімум тры месяцы. Зараз актыўны рамонт на мосце прыпынены. На афармленне тэхнічнага рашэння для далейшых работ сыдзе тыдзень-паўтары, лічыць старшыня гарвыканкама Мечыслаў Гой.

Рамонт працягне эксплуатацыю моста яшчэ на 25 гадоў, расказаў старшыня аблвыканкама Уладзімір Каранік. Да гэтага з адкрыцця ў 1986 годзе мост ні разу не рэканструявалі і не праводзілі капрамонту.

Наступны ў чарзе на рамонт — мост па вуліцы Паповіча (Новы мост).

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025