Больш за 80 акварыумаў і рэлакс-зона. У Гродне пройдзе выстава акварыумных рыб з усяго свету

У Old City на выставе «Аквафорум» пакажуць больш за 80 акварыумаў розных памераў з прыватных калекцый беларускіх акварыумістаў. Таксама ў Гродна прывязуць вялікі акварыум з рэстарана «Прага» ў Маскве, коштам больш за 30 тысяч еўра.

Наведвальнікі змогуць паглядзець на насельнікаў рэк і азёр Паўночнай і Паўднёвай Амерыкі, Афрыкі і Азіі. Гэта і скаты, і піранні, самы, прэснаводныя акулы, афрыканскія цыхліды трапічных афарбовак і рыба-цмок — прызнаная выміраючым выглядам араванна, якую на ўсходзе лічаць сімвалам багацця і дабрабыту. Будуць там і больш звыклыя залатыя рыбкі і пеўнікі. Таксама на выставе будуць нанаакварыумы для дробных рыбак, ракаў і крэветак. Будуць там і жабы, чарапахі і іншыя жывёлы.

У Беларусі такія выставы праводзяць каля пяць гадоў, расказала Hrodna.life прадстаўніца выставы.

На выставе арганізуюць спецыяльную рэлакс-зону, дзе можна будзе адпачыць у цішыні, паслабіцца і зняць стрэс, гледзячы на рыбак. Таксама ў рамках выставы правядуць конкурс на найлепшы акварыумны дызайн і конкурс малюнкаў.

Арганізатары падкрэсліваюць, што наведванне выставы будзе бяспечным: прадугледжана апрацоўка рук антысептыкам і дэзінфікуючы кілімок для абутку на ўваходзе на выставу. Hrodna.life нагадвае, што ў грамадскіх месцах трэба насіць ахоўныя маскі, і не ісці туды, калі кепска сябе адчуваеце ці захварэлі.

Уваход на выставу будзе платным:

  • 6,5 рублёў для дарослых,
  • 6 рублёў для дзяцей ад трох да 13 гадоў (маладзейшым за тры гады — бясплатна),
  • 4,5 рублі - для інвалідаў першай і другой групы і шматдзетных сем’яў.

Для школьных групаў арганізуюць спецыяльны комплекс па зніжкавай цане ў буднія дні.

Падрабязнасці можна ўдакладніць па тэлефоне 8029 120−15−00.

Калі: з 12 лютага па 27 сакавіка, штодня з 10.00 да 20.00.

Дзе: у гандлёвым цэнтры «Old City» (вул. Дубко 17), першы паверх, насупраць крамы «Gloria Jeans».

Чытайце таксама:

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025