У народным фотаклубе «Гродна» дзенічае цэнзура на выставы «ненадзейных» фатографаў. Кіраўнік фотаклуба Аляксандр Ласмінскі не дазваляе праводзіць выставы «палітычна няверным». Гэтую інфармацыю Hrodna.life пацвердзілі тры розныя крыніцы, блізкія да фотаклуба, якія пажадалі застацца ананімнымі.
«Калі былі падзеі жніўня 2020 года, планавалася выстава „Імгненні гродзенскай прыгажосці“ і яго (Аляксандра Ласмінскага — заўв. Hrоdna.life) нават даціснулі, каб паказаць фота з плошчы. Але потым усё змянілася і ён „зліўся“. А так, у асноўным выглянцаваны, паштовачны малюнак быў», — распавёў Hrodna.life адзін з гродзенскіх фатографаў.
«Такая сітуацыя сапраўды ёсць. Ласмінскі заўсёды лічыў, што „палітычна няверным“ няма чаго рабіць [на выставах] па меншай меры ў дзяржаўных установах. А зараз недзяржаўных пляцовак для выстаў лічы і няма. Але раней і замовы зверху такой не было, і апазіцыянерства было ва ўсіх збольшага латэнтнае», — пацвердзіў у размове з Hrodna.life іншы фатограф.
У 2022 годзе у культурным цэнтры «Фестывальны» была запланавана выстава Святланы Несцярэнкі - «Гродненские закаты». Выстава ўжо была ўключана ў план, але Ласмінскі нібыта звярнуўся ў аддзел культуры, каб выставу не дазволілі, бо Несцярэнка «палітычна нядобранадзейная». Hrodna.life вядома, што падобным чынам была адмененая як мінімум выстава яшчэ аднаго фатографа, запланаваная на 2022 год.
Рэдакцыя Hrodna.life даслала Аляксандру Ласмінскаму пытанні, але адказ на іх не атрымала.
Аляксандр Ласмінскі — заслужаны журналіст Беларускага Саюза журналістаў, кіраўнік народнага фотаклуба «Гродна». У 2008 годзе Ласмінскі стварыў гарадскі тэлеканал «Гродна Плюс», якім кіраваў да 2016 года. Таксама быў стваральнікам і дырэктарам мясцовага радыё MFM. У 2011 годзе Ласмінскага ўзнагародзілі медалём Францыска Скарыны, а ў 2012 — нагрудным знакам Міністэрства культуры Рэспублікі Беларусь «За ўклад ў развіццё культуры Беларусі». Ласмінскі тройчы абіраўся дэпутатам Гродзенскага гарадскога савета дэпутатаў.
Народны фотаклуб «Гродна» дзейнічае з 1972 года. Аляксандр Ласмінскі кіруе аб’яднаннем з 2004 года.
Чытайце таксама:
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…