Навіны

Covid-19 ізноў наступае. У Гродне за тыдзень захварэлі 583 чалавекі

Колькасць выпадкаў Covid-19 ў Гродне з 30 жніўня па 5 верасня павялічылася на 36% у параўнанні з папярэднім тыднем. Выяўлена 583 інфікаваных. Колькасць пнеўманій вырасла на 35%. Але вакцынавацца гродзенцы не спяшаюцца. У Гродзенскай вобласці 141 тысяча чалавек атрымалі две дозы вакцыны. Першым кампанентам у Гродне прышчапілася 18,9%, паведамляе telegram-канал «Гродно Плюс».

Інфармацыя пра колькасць захварэўшых у Гродне з’явілася пасля доўгага перапынку. Амаль год дадзеных па гораду не адкрывалі. У ліпені паведамлялі пра колькасць вакцынаваных па абласцях. Тады высветлілася, што Гродзенская вобласць — апошняя па колькасці прывітых сярод дарослага насельніцтва.

Паводле інфармацыі сэрвісу «Наш свет у дадзеных» на 1 жніўня ў суседняй Літве па вакцынацыю звярнуліся 51% насельніцтва. З іх цалкам вакцынаваныя 44%, яшчэ 6,4% атрымалі першы кампанент вакцыны.

З 16 ліпеня ў гандлёвых цэнтра OldCity i Triniti распачалі працу пункты вакцынацыі супраць COVID-19. Прышчапіцца там можа кожны грамадзянін Беларусі. Пры сабе трэба мець пашпарт.

Як працуе пункт вакцынацыі ў OldCity?

У OldCity пункт вакцынацыі арганізоўвае гарадская паліклініка № 4. Пункт размяшчаецца на другім паверсе гандлёвага цэнтра. Графік працы пункта:
Буднія дні - з 16:00 па 19:00
Субота — з 12:00 па 15:00
Нядзеля — Выходны

Для дасягнення калектыўнага імунітэта трэба мець узровень вакцынацыі не меньш за 60%. Такой колькасці прывітых ужо амаль дасягнулі ў суседніх з Беларуссю еўрапейскіх краінах. Гранічныя з Гродзенскай вобласцю Літва мае 57,28%, Польшча - 50,08%.

Калі такога ўзроўню вакцынаваных дасягне Гродна, прагназаваць цяжка. Падчас нарады ў Віцебскім раёне 12 жніўня Аляксандр Лукашэнка сказаў: -«Дабравольная вакцынацыя! Жадае чалавек вакцынавацца — няхай вакцынуецца, не хоча — не трэба».

Чытайце таксама:
Как мы прожили год коронавируса в Гродно: действия властей, взаимопомощь общества и цифры, в которые не верил никто

Падзяліцца
Меткі: здароўе

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025