Пракурор вобласці Віктар Корзун. Фота: grodnonews.by
Віктар Корзун, пракурор Гродзенскай вобласці, сышоў у адстаўку, паведаміла Генеральная пракуратура. Хто зойме яго месца, пакуль не паведамляецца. На сайце пракуратуры цяпер кантакты толькі намеснікаў пракурора.
Віктар Корзун быў сярод тых, з кім сустракаліся прадстаўнікі пратэстоўцаў у жніўні 2020 года. Прадстаўнікі ўладаў фактычна адмовіліся абмяркоўваць патрабаванні актывістаў па сутнасці. Корзун хацеў, каб выбарчая кампанія прайшла у рамках закона. Пры ім таксама ўзбуджалі крымінальныя справы за дзедаўшчыну. Ніводнай справы за перавышэнне паўнамоцтваў сілавікоў не распачалі.
Генеральны пракурор Рэспублікі Беларусь Андрэй Швед, прымаючы адстаўку пракурора Гродзенскай вобласці, адзначыў: «Амаль 40 гадоў аддадзена служэнню Радзіме і Айчыне. Віктар Канстанцінавіч пачынаў свой шлях з нізавога звяна, пасля займаў адказныя пракурорскія пасады. Ён — чалавек дзяржаўны, прымаў аб’ектыўныя і правільныя рашэнні, пры гэтым заўсёды перажываў за людзей. Калі спрачаўся, то гэта заўсёды было ў інтарэсах службы. Ён, несумненна, уяўляе наш залаты фонд».
«Некаторыя кажуць, што яны не буянілі, нічога не рабілі, яны мірна ўдзельнічалі. Але гэта ўсё роўна ўдзел у супрацьпраўнай дзейнасці, за якую прадугледжана адказнасць.
Што тычыцца патрабаванняў аб пакаранні ўсіх, хто ўжываў сілу ў дачыненні да мірных дэманстрантаў, то зноў жа, трэба мець на ўвазе, што гэта не масавая амністыя. Усе судовыя рашэнні, і кожны выпадак будзе дбайным чынам правераны.
Да нас паступаюць скаргі, у тым ліку і пра тое, што чалавек наогул не датычны, проста ішоў міма, нічога не рабіў і трапіў «пад раздачу». Безумоўна, кожны факт будзе вывучаны. Пракурор мае права ў прадугледжаных законам выпадках апратэставаць такія рашэнні, аднак ацэнку дасць абласны суд. Толькі ён можа адмяняць падобныя пастановы. Адзначу, што ў цяперашні час у пракуратуры вобласці такіх няшмат", — цытавала яго «Гродзенская праўда».
Чытайце таксама:
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…