"Гродно Азот". Фото: "Гродненский химик"
Завод па вытворчасці ўгнаенняў, які плануюць пабудаваць у Аўльсе, прайшоў дзяржаўную экалагічную экспертызу, паведамляе «Вечерний Гродно». Экспертыза доўжылася сем месяцаў.
Пад будаўнічую пляцоўку абралі адзін з участкаў СЭЗ (Свабодная эканамічная зона — заўв. Hrodna.life) «Гроднаінвест». Яна размяшчаецца на больш чым 4 гектарах у прамысловай зоне «Аўльс» пад Гродна, каля прадпрыемства «Тайфун». Асноўнай сыравінай для вытворчасці будзе аміяк, які робяць на «Гродна Азот». Плануецца, што завод будзе вырабляць 100 тысяч тон угнаенняў у год, працуючы ў няспынным кругласутковым рэжыме. Прадукцыю завода плануюць пастаўляць ва Усходнюю Еўропу (уключаючы Беларусь).
Завод будзе будаваць бельгійская кампанія «Tessenderlo Group». Увесці прадпрыемтсва ў эксплуатацыю плануюць у 2024 годзе.
Tessenderlo Group заснавана ў 1919 годзе і ўключае ў сябе каля 100 прадстаўніцтваў у больш чым 10 краінах свету па трох асноўных накірунках: сельская гаспадарка, біа-валарызацыя, здабыча і прамысловая вытворчасць. Галоўны офіс кампаніі знаходзіцца ў Бельгіі.
На новым хімічным заводзе плануецца выпуск вадкіх угнаенняў Thio-Sul®. Пад такой назвай будзе выпускацца тыасульфат амонія (ATS), які выкарыстоўваюць пры вырошчванні сельскагаспадарчых культур. Такія ўгнаенні кампанія прадае ў Прыбалтыцы і ва Украіне. Гэта прадукцыя выкарыстоўваецца ў фермерскіх гаспадарках, бо дазваляе атрымаць прыбытак да 150 еўра з аднаго гектара зернавых.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…