Аляксей Шота ў Эканамічным судзе Гродзенскай вобласці. Фота: Hrodna.life
Разгляд справы аб ліквідацыі ТАА «Гродна Лайф Медыя» прадоўжыўся 26 жніўня. Іск пракурора задаволілі. Заснавальнікаў абавяжуць да 30 лістапада ліквідаваць арганізацыю ТАА «Гродна Лайф Медыя».
Справу разглядае суддзя Марына Рослік у Эканамічным судзе Гродзенскай вобласці. У працэсе ўдзельнічалі прадстаўнік пракуратуры старшы памочнік пракурора горада Гродна Віктар Казак, намеснік начальніка юрыдычнага аддзела Гродзенскага аблвыканкама Сяргей Тыбулевіч і галоўны спецыяліст аддзела ідэалагічнай работы і па справах моладзі Гродзенскага аблвыканкама Аляксей Апановіч.
Арганізацыя «ажыццяўляе дзейнасць, забароненую заканадаўчымі актамі», сказаў памочнік пракурора. У сувязі з гэтым яе можна ліквідаваць. Прадстаўнік пракуратуры прыгадаў два выпадкі, калі Hrodna.life прыцягнулі да адміністрацыйнай адказнасці. Таксама экстрэмісцкай прызнана прадукцыі Telegram-канала інтэрнэт-рэсурсу (канал ужо выдалены — Hrodna.life). Таксама рэдакцыя атрымала папярэджанне ад пракуратуры.
Прадстаўнікі гарвыканкама падтрымалі пазіцыю памочніка пракурора ў поўным аб’ёме.
Адказчыкамі па справе выступалі чатыры чалавекі. Аляксей Шота хадайнічаў аб пераносе пасяджэння ў сувязі з камандзіроўкай адказчыкаў. Суддзя, прадстаўнікі Гродзенскага гарвыканкама і пракуратуры палічылі магчымым разглядаць справу без іх. Адказнікі былі не згодныя з пазіцыяй пракуратуры.
За першае паўгоддзе 2021 года рэдакцыю Hrodna.life двойчы судзілі за нібыта «распаўсюд экстрэмісцкіх матэрыялаў» (арт. 17.11 КаАП у рэдакцыі 2003 г. і арт. 19.11 КаАП у рэдакцыі 2021 года).
Першы суд адбыўся 19 сакавіка: тады фірму аштрафавалі на 400 базавых велічынь (11 600 рублёў), а Аляксея Шоту як фізасобу — на 25 базавых (725 рублёў). Таксама канфіскавалі адзін ноўтбук. Рэшту вынятай з рэдакцыі тэхнікі вярнулі толькі ў ліпені.
У чэрвені рэдактара спецпраектаў Hrodna.life Ірыну Новік асудзілі на 25 базавых велічынь (725 рублёў) — таксама за «распаўсюд экстрэмісцкіх матэрыялаў». Да суда Ірына знаходзілася ў ізалятары часовага ўтрымання. Ёй забаранялі сядзець у дзённы час, яна адмовілася ад ежы.
Другі суд адбыўся 18 чэрвеня. Штраф 14 500 рублёў прысудзіла рэдакцыі Hrodna.life Ганна Леусік. Згодна з яе рашэннем, рэдакцыя нібыта адмыслова распаўсюдзіла фотаздымак з канала, які ўключаны ў рэспубліканскі спіс экстрэмісцкіх матэрыялаў.
Чытайце таксама:
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…