Марыя Ківер у зале суда. Фота: Вольга Брэйда
Пасля сямі месяцаў разглядаў цана за рамонт вадаправода для адзінокай пенсіянеркі паменшылася з 1877 да 1503 рублёў. Гродзенскі абласны суд пакінуў рашэнне суда Кастрычніцкага раёна без зменаў.
Рахунак за рамонт вадаправода на 1877 рублёў 89-гадовая Марыя Ківер атрымала ў траўні 2020 года. Яна аддала ўсе грошы, якія мела — 900 рублёў, але не змагла пагасіць гэтую суму. У студзені 2021 года Гроднаводаканал падаў пазоў у суд. У выніку пенсіянерцы дазволілі недаплачваць 374 рубля з-за парушэння правоў спажыўца і прызначылі маральную кампенсацыю ў 200 рублёў.
23 жніўня Гродзенскі абласны суд разгледзеў апеляцыі бакоў на рашэнне суда Кастрычніцкага раёна. Водаканал настойваў на поўным пагашэнні выдаткаў, абарона Ківер прасіла павялічыць памер маральнай кампенсацыі.
Апеляцыйны пратэст на рашэнне суда першай інстанцыі падаў таксама намеснік пракурора Гродна Аляксандр Южык. Ён палічыў, што бабулі паменшылі доўг незаконна. На працэсе высветлілася, што пракуратура вырашыла гэты пратэст адклікаць.
Сталая жанчына папрасіла слова падчас паседжання. Яна ўспомніла, як сем месяцаў правяла без вады і паскардзілася на якасць рамонту.
«Я хачу, штоб мяне аставілі ў пакое з гэтай вадой. Дайце мне спакойна умярэць», — звярнулася Марыя Ківер да суддзяў.
Абласны суд не стаў задавальняць скаргі бакоў і пакінуў рашэнне без зменаў. Яно ўступіла ў сілу.
Першапачаткова доўг за рамонт трубы складаў 977 рублёў, пасля рашэння суда — 603 рубля. З улікам сумы кампенсацыі ад Гроднавадаканалу (200 рублёў) расходы пенсіянеркі скарацяцца да 403 рублёў.
Аварыя, з-за якой 89-гадовая Марыя Ківер трапіла ў суд, здарылася ў кастрычніку 2019 года. Пад праезнай часткай пацякла труба. Аказалася, што вадаправод знасіўся на ўчастку, які вядзе ад цэнтральнай сеткі да прыватнага дома пенсіянеркі. Паводле беларускіх законаў рамонт у гэтым выпадку аплачвае спажывец.
Бабуля з такім падыходам не пагадзілася, і ў яе адключылі ваду. Праз сем месяцаў яна ўсё-ткі вырашыла мяняць трубу. Аддала за яе грошы, якія трымала на пахаванне. Зараз, па яе словах, на доўг атрымоўваецца адкладаць па 10−20 рублёў у месяц. Пенсія ў 400 рублёў ідзе на камунальныя, ежу і лекі.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…