Каля 12.00 25 жніўня ў офіс фірмы “Іквадарт” прыйшлі сілавікі ў экіпіроўцы. Дырэктара студыі Глеба Койпіша вывелі са студыі ў кайданках. Верагодна, ён затрыманы. Кім і па якой справе — пакуль невядома.
Сам Глеб паспеў напісаць «Прыйшлі» ў сваім акаўнце ў Facebook каля 13.30. Яго тэлефон выключаны, тэлефон фірмы перанакіроўвае на галасавую пошту.
Сілавікі таксама канфіскавалі тэхніку і дакументы, паведамляе адзін Telegram-канал.
Глеб Койпіш – дырэктар студыі “Іквадарт”, якая ўваходзіць у Топ-10 лепшых вэб-студый Беларусі і працуе з 2004 года. Яму 35, жанаты, двое дзяцей. Койпіш запісаў зварот да ўладаў перад выбарамі-2020. Пасля збіцця 10 жніўня 2020 года Глеб трапіў у траўмапункт. Яму адмовілі ва ўзбуджэнні крымінальнай справы па гэтым факце.
Чытайце таксама:
