Навіны

У Эканамічным судзе прайшло падрыхтоўчае пасяджэнне па ліквідацыі «Гродна Лайф Медыя»

Падрыхтоўчае судовае пасяджэнне па ліквідацыі ўласніка Hrodna.life прайшло ў Эканамічным судзе Гродзенскай вобласці 11 жніўня. Бакі выказалі свае пазіцыі: прадстаўнікі гарвыканкама цалкам згодныя з пракурорам, нягледзячы на нестыкоўкі ў пазове. Асноўнае пасяджэнне па ліквідацыі прызначылі на 26 жніўня.

Суддзя Марыя Рослік выслухала пракурора, прадстаўнікоў гарвыканкама і адказнікаў. У пачатку паседжання яна ўдакладніла, што ліквідацыя юрыдычнай асобы — крайняя мера.

Пазоў аб ліквідацыі ТАА «Гродна Лайф медыя», якое з’яўляецца ўласнікам сайта Hrodna.life, падала пракуратура Гродна. Пракурор Уладзімір Клішын падаў заяву «ў мэтах абароны дзяржаўных і грамадскіх інтарэсаў».

У працы фірмы ён убачыў «дзейнасць, забароненую заканадаўчымі актамі». Пракурор спаслаўся на два штрафы за нібыта распаўсюд экстрэмісцкіх матэрыялаў, якія фірме прысудзілі ў сакавіку і чэрвені 2021 года. Таксама ён спаслаўся на Закон Аб супрацьдзеянні экстрэмізму і дадаў, што Telegram-канал выдання 9 ліпеня суд прызнаў экстрэмісцкі. У пазове пракурор абапіраўся на Грамадзянскі кодэкс, палажэнні аб ліквідацыі з Дэкрэта прэзідэнта ад 16.01.2009 № 1 і Закон Аб супрацьдзеянні экстрэмізму.

Прадстаўнікі гарвыканкама на судзе цалкам пагадзіліся з пазіцыяй пракурора.

Пазоўнік не выканаў закон?

Аляксей Шота як адказнік і прадстаўнік ТАА «Гродна Лайф Медыя» з пракурорам не згадзіўся. Ён адзначыў, што здзяйсненне разавых правапарушэнняў, за якія арганізацыя ўжо панесла адміністрацыйную адказнасць, з розніцай у чатыры месяцы, разглядаюць як забароненую дзейнасць памылкова.

Згодна з Законам Аб супрацьдзеянні экстрэмізму (арт. 10) пракурор на працягу максімум сямі сутак абавязаны быў вынесці прадпісанне аб ліквідацыі парушэнняў. Прадпісанне трэба ў трохдзённы тэрмін накіраваць кіраўніку і заснавальнікам арганізацыі. Закон дае ім месяц на ліквідацыю парушэння і пісьмовае інфармаванне аб гэтым асобы, якая вынесла прадпісанне. Толькі ў выпадку, калі гэта не будзе зроблена своечасова, альбо пры вынясенні паўторнага прадпісання цягам года запускаецца працэс ліквідацыі арганізацыі. Нічога з устаноўленага законам пракурорам зроблена не было. Было вынесена толькі папярэджанне аб недапушчальнасці парушэння закона Аляксею Шоце як фізічнай асобе. Атрымліваецца, што пазоўнік праігнараваў патрабаванні закона.

Аляксей Шота таксама ўдакладніў, што размяшчэнне на сайце фота з лагатыпам, прызнаным экстрэмісцкім, у другі раз было тэхнічнай памылкай, і яно было выдалена за некалькі дзён да прад’яўлення прэтэнзій.

Рашэнне ж аб прызнанні судом Telegram-канала выдання экстрэмісцкім прымалася ў дачыненні не інфармацыйнай прадукцыі сайта Hrodna.life (які належыць ТАА «Гродна Лайф Медыя»), а да аднайменнага Telegram-канала (а менавіта каментароў яго чытачоў). З матэрыялаў справы (па канале) вынікае, што канал і каментары не маюць дачынення да ТАА «Гродна Лайф Медыя». Акрамя таго, рашэнне было абскарджана і яшчэ не ўступіла ў законную сілу.

Другі адказчык і заснавальнік ТАА, Марыя Кучмэйна, цалкам пагадзілася з довадамі Аляксея Шоты.

Пракурор перакананы, што мае рацыю

На пералічаныя довады пракурор адказаў, што раз Аляксей Шота з’яўляецца і заснавальнікам, і кіраўніком юрыдычнай асобы, то папярэджанне аб недапушчальнасці парушэння закона было накіравана правільна. А раз забароненыя матэрыялы і так ужо былі выдаленыя з сайта, то і прадпісанні аб ліквідацыі парушэнняў закона даваць было не трэба.

Першае асноўнае судовае паседжанне ў Эканамічным судзе па ліквідацыі ТАА «Гродна Лайф Медыя» прызначылі на 26 жніўня, 10:00.

Чытайце таксама:

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025