На лаўцы - жонка Андрэя Алёна пасля судовага паседжання. Фота: Алена Кавальчук
3,5 гады калоніі ўзмоцненага рэжыму запатрабаваў 28 ліпеня пракурор Сяргей Пятрашка па справе Андрэя Сакалоўскага. За падзеі 6 верасня 2020 года гродзенца абвінавацілі ва ўдзеле ў групавых дзеяннях, якія груба парушаюць грамадскі парадак, і гвалце над амапаўцамі. Раней яго асудзілі на тры гады калоніі з адтэрміноўкай за махлярства. Фактычна, гэтыя пакаранні могуць злучыць.
Дырэктара прыватнай фірмы Андрэя Сакалоўскага судзіць Маргарыта Ланцэвіч у судзе Кастрычніцкага раёна Гродна. 38-гадовы Андрэй жанаты, у яго шасцігадовае дзіця. Андрэя абвінавацілі паводле ч. 1 арт. 342 і арт. 364 КК. Паводле версіі дзяржабвінаваўцы Сяргея Пятрашка, які замяніў Нічыпарука, 6 верасня 2020 года Андрэй узяў актыўны ўдзел у групавых дзеяннях, якія груба парушаюць грамадскі парадак, і ўжыў гвалт у дачыненні да супрацоўнікаў органаў унутраных спраў.
Андрэй віну не прызнаў. На працягу следства ён не даваў паказанняў. Віну Андрэя даказваюць словы пацярпелых амапаўцаў і сведак, лічыць дзяржабвінаваўца. А адрозненні ў іх паказаннях, на яго думку, неістотныя.
Двух з 12 амапаўцаў адвакатка папрасіла выключыць з ліку пацярпелых. Чацвёра з пяці заяўнікаў адмовіліся ад іскаў аб кампенсацыі маральнай шкоды. Пацярпелы Лабкоў абяцаў удакладніць свае патрабаванні, але не з’явіўся на судовае пасяджэнне. Таму адвакат папрасіла не прымаць яго іск да ўвагі.
Сярод іншага, Сяргей Пятрашка распавёў, як знайшлі Андрэя: яго ўбачылі на гарадскіх камерах, апазналі па татуіроўцы, і праверылі, дзе быў яго тэлефон у гэты час.
Таксама Андрэй можа заплаціць 20 рублёў аўтобуснаму парку Гродна і 50 рублёў — тралейбуснаму ўпраўленню за шкоду, якую ён нанёс на думку дзяржабвінаваўцы. Адвакат прапанавала падзяліць суму на ўсіх удзельнікаў той акцыі.
Дзяржабвінаваўца прыбраў з абвінавачвання прыкмету «з помсты» і «па папярэдняй змове». Тым не менш, ён лічыць, што злачынства здзейсніла «група асоб». Змякчальнай акалічнасцю ён палічыў наяўнасць малалетняга дзіцяці ў Андрэя.
Сяргей Пятрашка запатрабаваў для Сакалоўскага два гады абмежавання волі па ч. 1 арт. 342 КК і два гады пазбаўлення волі па арт. 364 КК. З улікам прысуду за махлярства (тры гады пазбаўлення волі) ён просіць прызначыць пакаранне ў тры з паловай гады калоніі ўзмоцненага рэжыму. Меру стрымання пакінуць ранейшай — заключэнне пад варту. Арышт з маёмасці дзяржабвінаваўца прапануе зняць.
Адвакат просіць апраўдаць яе падабароннага. Яна настойвае: ніхто з амапаўцаў не можа дакладна сказаць, што менавіта Сакалоўскі нанёс яму пашкоджанні, па меддапамогу яны не звярталіся, рапарт пра гэта не пісалі, а пра некаторыя нюансы ўспомнілі толькі ў судзе. Да таго ж, Сакалоўскага ў той дзень не затрымалі, а значыць, ён не быў «актыўным удзельнікам».
2 жніўня ў 10.45 Андрэю дадуць апошняе слова. Пасля гэтага яму вынесуць прысуд.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…