Навіны

«Гэты помнік аб’ядноўвае Беларусь і Францыю». У Шчучыне ўсталююць помнік Шарлю дэ Голю

У Шчучыне 12 ліпеня заклалі камень у аснову помніка Шарлю дэ Голю. На закладцы прысутнічаў пасол Францыі ў Беларусі Ніколя дэ Лакост. Помнік фінансуецца сумесна бюджэтам Шчучынскага раёна і французскім прадпрымальнікам.

«Гэты помнік аб’ядноўвае Беларусь і Францыю ў старонцы агульнай гісторыі. Першая Сусветная вайна не атрымала яшчэ такой увагі, як іншыя вайсковыя канфлікты, што былі ў Беларусі. Тым не менш, і баі, і іншыя падзеі гэтай вайны адбываліся менавіта тут», — распавёў Hrodna.life пасол Францыі ў Беларусі Нікаля дэ Лакост.

Пасол Францыі Нікаля дэ Лакост (справа) каля эскіза помніка генералу дэ Голю. Фота: Пасольства Францыі ў Беларусі.

«Фігура генерала дэ Голя аб’ядноўвае народы далёка за межамі Францыі. Яго пасланне надзеі і супрацьстаяння ворагу ўсё яшчэ сваечасова, пры любых абставінах. У тым ліку тут, у Шчучыне, сфармаваўся адзін з бакоў яго асобы: ніколі не губляць баявы дух пры самых беспрасветных абставінах».

Хто такі Шарль дэ Голь і чаму яму паставяць помнік у Шчучыне?

Шарль дэ Голь — прэзідэнт Францыі ў 1959−69 гг. У гады Другой Сусветнай вайны — прадстаўнік французскага камітэта нацыянальнага вызвалення. Падчас Першай Сусветнай вайны з чэрвеня па кастрычнік 1916 года дэ Голь знаходзіўся ў нямецкім лагеры для ваеннапалонных у Шчучыне. Зараз на месцы лагера знаходзіцца завод «Аўтапровад».

Хто фінансуе стварэнне помніка?

У конкурсе эскізаў помніка 16 кастрычніка 2020 года перамог супольны праект скульптара Мікалая Байрачнага і архітэктараў Валерыя Мусіенкі і Алены Дзяміды. Фінансуе праект як бюджэт Шчучынскага раёна, так французскі прадпрымальнік Онган Мардэніз. Ён быў адным з першых замежных інвестараў у беларускім IT-сектары.

Што яшчэ звязанае з Шарлем дэ Голем плануецца ў Шчучыне?

Некалькі фотаздымкаў капітана дэ Голя ў Шчучыне ў чэрвені - кастрычніку 1916 года зараз выстаўлены ў Шчучынскім палацы творчасці дзяцей і моладзі (былы палац Друцкіх-Любецкіх). Некаторыя іншыя раней неапублікаваныя здымкі будуць таксама выстаўлены пры дапамозе Фонда генерала Шарля дэ Голя ў Францыі.

«Мы прапанавалі уладам Шчучына, каб адна з вуліц насіла імя генерала дэ Голя, які шмат зрабіў для падтрымання міру ў Еўропе. Спадзяемся, што ўсталёўка гэтага помніка прыцягне ў Шчучын французкіх падарожнікаў і турыстаў з іншых краін пасля адкрыцця межаў», — распавёў пасол Нікаля дэ Лакост.

Падзяліцца
Меткі: культура

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025