Новости

Сілавікі прыйшлі адразу ў некалькі рэгіянальных выданняў

У адзін дзень сілавікі прыйшлі да супрацоўнікаў брэсцкага, аршанскага і баранавіцкага рэгіянальных незалежных навінавых выданняў.

Раніцай 8 ліпеня да рэдактара аршанскага рэгіянальнага партала Orsha.eu Ігару Казмерчаку і фатографу выдання Дзянісу Дубкову прыйшлі з ператрусам супрацоўнікі Дэпартамента фінансавых расследаванняў, паведамляе Беларуская асацыяцыя журналістаў. Гэта адбылося каля 6-й раніцы. У Ігара Казмерчака канфіскавалі ноўтбук і мабільны тэлефон, а яго самога папрасілі праехаць з супрацоўнікамі. Дзе ён знаходзіцца цяпер, і калі яго адпусцяць, на дадзены момант не зразумела, удакладняе выданне.

У гэты ж дзень рэдакцыю баранавіцкага недзяржаўнага выдання Intex-Press таксама прыйшлі з ператрусам. Па інфармацыі ад работнікаў газеты гэта былі супрацоўнікі КДБ, піша «Наша Н**а».

Таксама сілавікі прыйшлі ў рэдакцыю недзяржаўнай «Брестской газеты». Пра гэта паведамілі супрацоўнікі, якія не знаходзіліся ў рэдакцыі. Па словах відавочцаў, чатыры ці пяць чалавек грукалі ў дзверы рэдакцыі і пагражалі выламаць яе.

Яшчэ раней 8 ліпеня стала вядома, што Мінінфарм заблакаваў сайт выдання «Наша Н**а». Некаторыя супрацоўнікі перасталі выходзіць на сувязь. Пазней рэпарцёрку Наталлю Лубнеўскую і фатографку Шуру Піліповіч-Сушчыц адпусцілі пад падпіску аб невыдаванні, паведаміла рэдакцыя. Дома ў галоўнага рэдактара Ягора Марціновіча прайшоў ператрус, сам ён з’ехаў з сілавікамі. Ператрусы прайшлі таксама ў бухгалтэрыі выдання і дома ў галоўнага бухгалтара, у рэдактара Андрэя Скурко.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025