Навіны

У польскай школе адкрыюць беларускі клас

З новага навучальнага года ў гродзенскай сярдэняй школе № 36 (польская школа — заўв. Hrodna.life) адкрыюць першы клас з беларускай мовай навучання. Усе прадметы будуць выкладацца па-беларуску. Польская мова стане прадметам з паглыбленым вывучэннем.

«- На фоне шэрагу недружалюбных крокаў суседніх дзяржаў мы застаемся верныя прынцыпам добрасуседства і павагі да спадчыны ўсіх нацыянальнасцяў, якія пражываюць у нашым горадзе, — адзначылі ў гарвыканкаме. — Разам з тым мы больш пільна зірнулі на пытанне парытэтнасці падыходаў да вывучэння моў нацыянальных меншасцяў, у тым ліку польскай у Гародні і беларускай у Польшчы. Захоўваючы вывучэнне мовы, літаратуры, гісторыі і культуры польскага народа, у далейшым мы будзем планамерна пераходзіць да вывучэння іншых прадметаў у сярэдняй школе № 36 на дзяржаўных мовах. А для навучэнцаў 2−11 класаў 36-й школы змяненняў у бягучым годзе не чакаецца»  — паведамляе «Гродзенская праўда».

Польская школа. Фота: Hrodna.life

Улады заўпэўніваюць, што рэформа ў польскай школе ў Гродне не датычыцца вучняў 2−11 класаў. Але гэта не азначае, што працэс дэпаланізацыі навучальнай установы не будзе распаўсюджвацца ў бліжэйшыя часы на старэйшыя класы, піша znadniemna.pl.

Моўнае пытанне ў польскай школе падымалася раней. У красавіку 2017 бацькі змагаліся супраць русіфікацыі школы. У 2014 годзе такое пытанне, паўставала ў сувязі з меркаванымі зменамі ў Кодэксе аб адукацыі, у 2012 — калі ў школе першы раз прапанавалі ствараць рускамоўныя класы.

Існуе польска-беларуская дамоўленасць, паводле якой гэта школа, пабудавана за польскія грошы, павінна выкарыстоўвацца толькі для навучання на польскай мове.

У Гродне дасюль няма ніводнай школы з вывучэннем прадметаў на беларускай мове. А беларускамоўных класаў адзінкі.

Падзяліцца
Меткі: адукацыя

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025