Гродзенскі гарвыканкам абвесціў конкурс на назву для сквера на вуліцы Леванабярэжнай, які 17 красавіка добраўпарадкоўвалі гродзенскія прадпрымальнікі. Яна павінна быць звязана з бізнесам. Цяпер сквер на іншым беразе Нёмана насупраць замкаў ніяк не называецца.
У дзень рэспубліканскага суботніка гродзенскія прадпрымальнікі садзілі ў скверы дрэвы і кветкі. Акцыю прысвяцілі 30-годдзю прыняцця Закона «Аб прадпрымальніцтве ў Рэспубліцы Беларусь», расказала тады «Гродзенскай праўдзе» кіраўніца ўпраўлення прадпрымальніцтва камітэта эканомікі аблвыканкама Алена Валько. Такія акцыі добраўпарадкавання збіраюцца праводзіць штогод. Таму зараз безназоўнаму скверу на Леванабяраэнай вырашылі прыдумаць афіцыйную назву. Яна мусіць быць звязаная з бізнесам або прадпрымальніцтвам.
Лісты пра конкурс разаслалі сябрам Савета па развіцці прадпрымальніцтва пры гарвыканкаме, пра пошук назвы абвесцілі і на тэлеканале «Гродна Плюс».
Варыянты назвы прапануюць дасылаць ва ўпраўленне эканомікі гарвыканкама па факсе 626 937, 626 904. Да 18 чэрвеня гараджане могуць даслаць прапановы на электронны адрас ekonom@gorod.grodno.by з пазнакай «Конкурс».
Там жа, на Леванабяраэнай, гарадскія ўлады вырашылі размясціць палаткі, летнія кафэ або іншыя нестацыянарныя кропкі харчавання. Аўкцыён для продажу права арэнды ўчастка быў запланаваны на 1 чэрвеня. Ён не адбыўся, бо ніхто не ўзяў удзел. Кошт права арэнды плошчы ў 171,5 кв. м. на тры гады пачынаўся з 725,45 рублёў.
Ідэю перанесці фудтракі на вуліцу Леванабярэжную ўлады абмяркоўвалі яшчэ ў 2019 годзе. Таксама там прапаноўвалі праводзіць канцэрты і мерапрыемствы, а актывісты хацелі адправіць туды пракат электрасамакатаў.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…