Справа - Арцём Карсека. Фота: Алена Кавальчук
28-гадовага айцішніка Арцёма Карсека 27 траўня аштрафавалі на 50 базавых велічынь (1400 рублёў) за пікетаванне. Прычынай стаў БЧБ-сцяг у акне кватэры, які ўбачыла пенсіянерка, якая жыве ў прыватным сектары па суседстве, і паведаміла пра гэта ў міліцыю. Справу разглядаў суддзя Віталь Шпак у судзе Кастрычніцкага раёна Гродна.
Арцём Карсека з дзяўчынай жывуць у кватэры на 12-м паверсе на вул. Лідская, 3. 11 красавіка 64-гадовая пенсіянерка Галіна Васільева паведаміла ў міліцыю аб тым, што ў акне яго кватэры вісіць БЧБ-сцяг. У дачыненні да Арцёма пачалі адміністрацыйны працэс па арт. 24.23 КаАП «Парушэнне парадку арганізацыі або правядзення масавых мерапрыемстваў». Акрамя званка Галіны Альфрэдаўны, скаргаў у міліцыю на сцяг Арцёма не паступала.
— Можа, яна з біноклем ходзіць? — дзівяцца сябры Арцёма. Яны сумняваюцца, што сцяг можна было разгледзець.
На наступны дзень Арцёму патэлефанаваў участковы і паведаміў, што ў дачыненні да яго пачаты адміністрацыйны працэс за сцяг. У той жа дзень на просьбу міліцыянта Арцём зняў і прыйшоў у РАУС для дачы тлумачэнняў. Пазней яму патэлефанавалі яшчэ раз і папрасілі прынесці сцяг.
З’яжджаючы з горада ў адпачынак, Арцём папярэдзіў міліцыі пра гэта. У траўні справу пачалі разглядаць у судзе. На пасяджэнні Арцём хадзіў з зубной шчоткай і зменнай парай бялізны.
Справу разгледзелі ў судзе за два дні. У судзе Галіна Альфрэдаўна праходзіла як сведка. 25 траўня адвакат Арцёма прасіла выклікаць яе ў суд, каб растлумачыць, які ў пенсіянеркі зрок і ці магла яна бачыць сцяг. На паседжанне 27 траўня не прыйшла «з-за дрэннага самаадчування».
У судзе зачыталі пратакол апытання, які быў кароткі: «11 красавіка 2021 года праходзіла каля дома № 3 на вул. Лідская ў горадзе Гродна каля 13.20, убачыла на 12-м паверсе сцяг у акне (БЧБ), пра што паведаміла ў міліцыю».
Абаронца прасіла спыніць адміністрацыйную справу, бо тут няма складу правапарушэння.
— Сцяг вісеў дома, з боку кватэры, не на балконе — ён фактычна не быў бачны. Калі не задавацца мэтай і не глядзець на 12-ы паверх, людзі, якія не зусім добра бачаць, сцяг нават не разгледзяць, — даказвае абаронца. — Калі ў чалавека гэта для свайго карыстання, калі ён хоча глядзець на палотнішча бел-чырвона-белае — я мяркую, паводле заканадаўства гэта не забаронена.
Суд жа прыйшоў да высновы, што за гэта трэба аштрафаваць на 50 базавых велічынь. Лёс сцяга пакуль невядомы.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…