Сяргей Верамеенка у сваёй краме "Адметнасць" у Гродне. Фота з архіву Hrodna.life
Каля 16.00 27 сакавіка сілавікі прыйшлі з ператрусам дадому да Сяргея і Вольгі Верамеенкаў. Па якой справе ператрус, пакуль невядома.
Сяргей Верамеенка — гаспадар крамы з нацыянальнай сімволікай «Адметнасць». Сябра руху «Беларуская хрысціянская дэмакратыя». Неаднаразова адбываў адміністрацыйны арышт за ўдзел у мірных акцыях у папярэднія гады. Апошні раз яго асудзілі за ўдзел у акцыі 19 жніўня 2020 года.
Ператрус у Верамеенкаў скончыўся каля 19.20. Відавочцы паведамляюць, што міліцыянты вынеслі з дому цэлы багажнік рэчаў. З Вольгай паехалі ў краму «Адметнасць». Верагодна, там таксама будзе ператрус.
Ператрус у «Адметнасці» скончыўся каля 20.30. Вольгу Верамеенку адвезлі ў Следчы камітэт.
Яе адпусцілі з СК каля 21.30. Яна праходзіць сведкай па справе аб рэабілітацыі нацызму. Падпіску пра неразгалошванне Вольгу даць не прасілі. Верамеенка кажа, што следчыя цікавіліся выставай Алеся Пушкіна ў Гродне.
Ператрус праводзілі 10 чалавек, у тым ліку амапаўцы. З дому канфіскавалі майкі і значкі з Пагоняй, тэлефон і ноўтбук Вольгі, з крамы — некалькі магнітаў.
Сяргей Верамеенка таксама праходзіць сведкам па справе.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…