Павел Мажэйка ў Цэнтры гарадскога жыцця. Фота: "Радыё Св***да"
Супраць Паўла Мажэйку, кіраўніка прасторы «Цэнтр гарадскога жыцця», мастака Алеся Пушкіна і «іншых асоб» 26 сакавіка распачалі крымінальную справу па ч.3 арт.130 КК за дзеянні, накіраваныя на рэабілітацыю і апраўданне нацызму.
Справу распачалі па факце дэманстрацыі 19 сакавіка на выставе карцін Алеся Пушкіна партрэт Яўгена Жыхара з аўтаматам на плячы, паведаміла пракуратура.
«З 1946 года ён узначаліў атрад з былых паліцаяў і іншых здраднікаў, якія на працягу 9 гадоў у Пастаўскім раёне здзяйснялі забойствы міліцыянтаў, партыйных і дзяржаўных службовых асоб, падпалы адміністрацыйных будынкаў і дыверсіі на чыгунцы», — паведамілі ў пракуратуры. Пры гэтым мастак «услаўляў і апраўдваў» яго дзеянні.
Павел Мажэйка вечарам 26 сакавіка паехаў у Следчы камітэт даваць паказанні. Алесь Пушкін апошнія некалькі дзён знаходзіцца ў Кіеве, куды паехаў на адкрыццё выставы беларускага мастацтва.
На гэтым тыдні сілавікі прыходзілі на Кірава, 3, дзе знаходзіцца арганізацыя. У той жа дзень пра выставу ў «Цэнтры» выказаўся Уладзімір Каранік — на той момант праводзілася «юрыдычная ацэнка».
UPD. Мастак Алесь Пушкін вылецеў з Кіева вячэрнім рэйсам. Пасьля 21 гадзіны ён прайшоў памежны кантроль у менскім аэрапорце. Пасьля гэтага ён перастаў выходзіць на сувязь. У Кіеве Пушкін прымаў удзел у выставе беларускіх мастакоў «Кожны дзень. Мастацтва, салідарнасьць, супраціў», якая праходзіць у Мастацкім арсэнале, адной з найбуйнейшых культурных пляцовак ва Ўкраіне, піша С**бода.
Перад вылетам з Кіева Алесь Пушкін ведаў, што супраць яго пракуратурай Гродна заведзеная крымінальная справа. Але ён не разглядаў варыянту заставацца ва Ўкраіне і вярнуўся на радзіму, піша С**бода.
«Цэнтр гарадскога жыцця» — гэта прыватная адукацыйна-культурная пляцоўка. Тут прайшлі сотні культурніцкіх мерапрыемстваў, выступалі музыкі, праходзілі заняткі «Мова нанова», а вясной 2020 года ў «Цэнтры» арганізавалі збор сродкаў абароны для медыкаў.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…