Игорь Уланов в спектакле "451 по Фаренгейту" в дворике на Кирова. Фото: Надежда Вишневская
Былыя акцёры Гродзенскага драмтэатра пакажуць п’есу пра фашызм. Сустрэча з гледачамі пройдзе ў суботу, 20 сакавіка, у Цэнтры гарадскога жыцця. У пастаноўцы занятыя чатыры артысты.
У час творчай сустрэчы гродзенцы змогуць убачыць пастаноўку «Кадзіш» паводле аднайменнай паэмы Аляксандра Галіча. Паказаць гэта твор прапанавалі Ігар Уланаў і яго жонка Аксана Машынкова — рэжысёрка «Кадзіша». У прадстаўленні бяруць удзел яшчэ два артысты — Аляксей Станога і Паліна Левіна. У кастрычніку 2020 года яны падтрымалі нацыянальную забастоўку і пазбавіліся працы ў Гродзенскім драмтэатры.
Ігара Уланава звольнілі з тэатра ў верасні 2020 года адным з першых. Ён спыніў спектакль на знак салідарнасці з калегамі, затрыманымі на акцыі пратэсту. Пасля звальнення артысту даводзілася падпрацоўваць грузчыкам і сантэхнікам, але ўсе шэсць месяцаў ён не пераставаў рэпетаваць разам з калегамі. Цяпер у працы артыстаў некалькі праектаў, бліжэйшае прадстаўленне акцёр называе знакавым.
«Хвалююся, як у першы раз», — прызнаўся Hrodna.life Ігар Уланаў.
Кадзіш — гэта яўрэйская памінальная малітва, якую прамаўляе сын у памяць пра бацьку. Паэма Аляксандра Галіча прысвечаная польскаму пісьменніку, лекару і педагогу Янушу Корчаку. Ён загінуў разам са сваімі выхаванцамі школы-інтэрната «Дом сірот» ў Варшаве ў лагеры смерці Трэблінка.
Спектакль «Кадзіш» паставіла ў 2013 годзе ў драмтэатры Аксана Машынкова. На гродзенскай сцэне яго паказвалі нячаста — у асноўным да памятных датаў, звязаных з вайной. Муж і жонка гралі спектакль ўдваіх.
«Цяпер гэта будзе новы твор, — распавёў Ігар Уланаў. — У паэме ў кожнага будзе галоўная роля. Мы ўсе — удзельнікі тых страшных падзей, якія адбыліся ў гэтай гісторыі».
Мерапрыемства пачнецца, а 16.00 у суботу, 20 сакавіка, у Цэнтры гарадскога жыцця на вуліцы Кірава, 3. «У барацьбе супраць гвалту ў кожнага свой шлях», — гаворыцца ў анонсе сустрэчы акцёраў з гледачамі.
Чытайце таксама:
Працу ў Гродзенскім драмтэатры з-за грамадзянскай пазіцыі страцілі каля 20 чалавек. Вялікая частка звальненняў адбылася ў кастрычніку, калі рэжысёры тэатра Генадзь Мушперт і Сяргей Курыленка абвесцілі пра забастоўку. Іх падтрымала частка трупы, усім давялося пакінуць тэатр. У сакавіку 2021 года стала вядома, што адміністрацыя не падоўжыла кантракт і з акторкай Аксанай Плікус і балетмайстаркай Вікторыяй Бальцэр.
Чытайце таксама:
Дзесяць звольненых акцёраў пераехалі ў Літву, паведаміў «Народнай волі» рэжысёр Сяргей Курыленка. Акцёры плануюць удзельнічаць у міжнародных праектах, цяпер ідзе абмеркаванне рэпертуару. Падобныя праекты ўжо былі рэалізаваны ў Вільні, яны спецыяльна створаны для жыхароў Беларусі, пацярпелых ад рэпрэсій. Плануецца, што спектаклі з удзелам гродзенскіх акцёраў пакажуць у розных краінах Еўрасаюза.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…