Галоўны рэдактар Hrodna.life Аляксей Шота. Фота: Naviny.by
Рэдактара гарадскога інтэрнэт-партала Hrodna.life Аляксея Шоту 15 сакавіка па тэлефоне запрасілі ў суд Ленінскага раёна Гродна. 16 сакавіка ў 14.30 яго пачнуць судзіць па ч. 2 арт. 17. 11 КаАП (Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў).
29 студзеня ў рэдакцыі партала правялі агляд, падчас якога канфіскавалі тэхніку, выдадзеныя рэдакцыяй календары і часопісы. Агляд правялі без супрацоўнікаў рэдакцыі ў прысутнасці амапаўцаў. Паводле ч2. арт.17.11 КаАП рэдакцыі пагражае штраф у памеры да 500 базавых велічынь (14 500 рублёў), а таксама канфіскацыя прадметаў здзяйснення правапарушэнняў. Рэдактару таксама пагражае штраф да 50 базавых велічынь (1450 рублёў).
Па версіі міліцыі, супрацоўнікі Ленінскага РАУС Гродна ў ходзе маніторынгу выявілі факты захоўвання рэсурсамі Hrodna.life і Newgrodno.by прадукцыі, прызнаную экстрэмісцкай. Гаворка ідзе аб захоўванні матэрыялаў аднаго Telegram-канала, які ў кастрычніку і лістападзе 2020 года судом Цэнтральнага раёна Менска прызнаў экстрэмісцкім.
17 сакавіка, а 10.30 паводле таго ж артыкула будуць судзіць рэдактара партала Newgrodno.by Ігара Бублікава (Рэмзіка).
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…