Ежы Грыгенча. Фота: Руслан Кулевіч
Гродзенскага актывіста Ежы Грыгенчу ў судзе Лідскага раёна асудзілі на штраф 50 базавых адзінак (1450 рублёў). На думку суддзі Вольгі Кавалёвай, Грыгенча парушыў ч. 3 арт. 23. 34 КаАП, бо «знаходзіўся сярод групы грамадзян, якія скандуюць лозунгі».
Ежы Грыгенча 18 студзеня 2021 года з 11.27 да 11.29 прыняў удзел у пікетаванні ў будынку суда Лідскага раёна, сказана ў пастанове суда ад 4 сакавіка.
Адміністрацыйную справу завялі пасля вынясення прысуду актывісту з Бярозаўкі Вітольду Ашурку ў судзе Лідскага раёна 18 студзеня. Тады падтрымаць Ашурка сабраліся каля 50 чалавек. Прысуд — пяць гадоў калоніі - сустрэлі крыкамі «Ганьба!».
Ежы не прызнаў віну. Па словах актывіста, ён пікет не праводзіў, лозунгаў не выкрыкваў. Суддзя вырашыла, што віну Грыгенчы даказвае відэа з суда і паказанні сведкі-міліцыянта. «<…> пасля абвяшчэння прысуду не пакінуў залу судовых пасяджэнняў, а знаходзіўся сярод групы грамадзян, якія скандуюць лозунгі». Гэтым, на думку суда, Ежы парушыў ч. 3 арт. 23.34 КаАП — Парушэнне парадку арганізацыі або правядзення масавых мерапрыемстваў (з 1 сакавіка 2021 года — ст. 24.23 КаАП — Hrodna.life).
Сам Ежы на суд не з’явіўся — пастанова суда яму прыйшло поштай 12 сакавіка. Раней, калі ён 10 лютага прыехаў у Ліду па позве, яго затрымалі на 72 гадзіны да суда, але судзіць не сталі. Па тым жа падзеям на 50 базавых велічыняў аштрафавалі журналіста Юрыя Дзяшука. Разам з журналістам па гэтай справе праходзяць яшчэ каля 10 чалавек, якія прысутнічалі на судзе над Вітольдам Ашуркам.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…