Ігар Банцэр падчас аднаго з выступаў. Фота з асабістага архіва Банцэра
Беларускія праваабаронцы 15 сакавіка прызналі абвінавачанага ў хуліганстве музыканта Ігара Банцэра палітычным зняволеным. Яны запатрабавалі неадкладнага вызвалення і спынення пераследу.
Ігару Банцару 41 год. Ён — лідар гродзенскага стрыт-панк-гурта Mister X. У Гродне займаецца культурнай і грамадскай дзейнасцю. Жанаты, трое дзяцей. Вегетарыянец, антыфашыст, стрэйтэйджар. Гродзенскага музыканта затрымалі 20 кастрычніка 2020 года і абвінавацілі ў хуліганстве за танец у стрынгах перад міліцыянтам 5 верасня. Ён настойвае: гэта перформанс. Ігара заключылі пад варту, трымалі ў адзіночнай камеры, адпраўлялі на прымусовую псіхіятрычную экспертызу ў Мінск, змяшчалі ў карцэр.
Публічнае агаленне цела — распаўсюджаная форма пратэсту і выказвання свайго меркавання, адзначаюць праваабаронцы. Яны ўпэўненыя, што нягледзячы на дзёрзкі характар, акцыя носіць мірны характар і не пераследуе нізінныя матывы і замахі на ахоўныя свабоды іншых грамадзян.
Кваліфікацыя дзеянняў Ігара Банцара як крымінальнага злачынства (хуліганства) і яго ўтрыманне пад вартай на працягу некалькіх месяцаў з’яўляецца абсалютна непрапарцыйнай мерай, што сведчыць аб палітычным матыве пераследу Ігара Банцара з боку беларускіх уладаў, лічаць праваабаронцы.
Чытайце таксма: «Уявіце, што я паехаў граць канцэрт». Анжаліка Арэхва расказала, як сям’я чакае вынікаў суда над Ігарам Банцэрам
Таксама 15 сакавіка палітвязнем прызналі жыхарку Брэста Юлію Бодак, якую абвінавацілі па тым жа артыкуле. Па стане на 15 сакавіка ў Беларусі прызнаныя палітычнымі зняволенымі 287 чалавек.
На 15 сакавіка Ігар Банцэр галадае ўсухую 12 суткі. Па паведамленнях блізкім, ён пад кругласутачным наглядам, часам яго наведвае лекар, які вымярае ціск. У судзе 12 сакавіка ён выглядаў знясіленым, у яго змяніўся голас. Наступнае судовае пасяджэнне прызначана на 18 сакавіка.
15 сакавіка палітвязень Ігар Лосік пасля трох сутак спыніў сухую галадоўку. На галадоўцы застаюцца Дзмітрый Фурманаў, ягоная дзяўчына Вольга Каракіна і супрацоўніца фонду «Страна для жизни» Марына Гарбуз.
Святлана Ціханоўская ў сваім Telegram-канале 14 сакавіка заклікала Ігара Лосіка, Ігара Банцэра і Дзмітрыя Фурманава спыніць галадоўку.
«Вы можаце не даведацца пра тое, што я цяпер кажу гэтыя словы. Але мы ўсе ведаем пра вас і вашую бязмежную мужнасць. Вы зараз рызыкуеце сваімі жыццямі, выказваючы свой пратэст праз галадоўку. Але мы, беларусы, не гатовыя рызыкаваць вамі.
Як чалавек, маці і жонка, я прашу вас спыніць галадоўку. Вы патрэбныя вашым блізкім, бацькам і дзецям. Вы патрэбны Беларусі. Але як палітык я раблю ўсё магчымае, каб вызваліць вас і сотні беларусаў, якія без віны зачыненыя ў суседніх з вамі камерах".
Чытайце таксама:
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…