Дзяніс Івашын. Фота: Facebook
Журналіста InformNapalm і газеты «Новы Час» Дзяніса Івашына пасля затрымання 12 сакавіка пакінулі ў СІЗА № 1 Гродна. У яго дома, на дачы і ў бацькоў прайшлі вобыскі.
Дзяніс праходзіць падазраваным па справе па арт.365 КК — умяшанне ў дзейнасць супрацоўніка органаў унутраных спраў. Яму пагражае да трох гадоў пазбаўлення волі.
Ператрус правялі некалькі супрацоўнікаў КДБ. Па словах жонкі Дзяніса Вольгі, канфіскавалі ўсе носьбіты інфармацыі - тэлефоны, ноўтбукі, кампутары, сімкарты, банкаўскія карты, нататнікі, грошы. А таксама канфіскавалі дробязь — сцяжкі, значкі, візітоўкі. «Вельмі цікавіла ўсё, звязанае з Украінай», — напісала пра ператрус жонка Дзяніса Івашына Вольга. Ператрус доўжыўся некалькі гадзін і скончыўся пасля паўночы.
Праз трое сутак, каля 17.40 15 сакавіка скончацца 72 гадзіны затрымання: Дзяніса альбо пакінуць пад вартай, альбо адпусцяць пад падпіску аб нявыездзе.
Дзяніс Івашын — рэдактар беларускай версіі і журналіст медыя informnapalm. Займаецца пераважна расследаваннямі. Ён пісаў пра санаторыі Адміністрацыі прэзідэнта Беларусі ў Крыме, пра сітуацыю з Covid-19, рабіў расследаванне пра беркутаўцаў ды інш.
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…