Ежы Грыгенча. Фота: Руслан Кулевіч
10 лютага Ежы Грыгенча прыехаў па позве ў Лідскі РАУС для разбіральніцтва паводле арт.23.34 КаАП. Яго пакінулі ў мясцовым ізалятары да суду, паведаміла Hrodna.life жонка актывіста Валянціна. Калі адбудзецца судовае пасяджэнне, Ежы не паведамілі.
Імаверна, адміністрацыйную справу завялі пасля вынясення прысуду актывісту з Бярозаўкі Вітольду Ашурку ў судзе Лідскага раёна 18 студзеня, мяркуе Валянціна Грыгенча. Тады падтрымаць актывіста сабраліся каля 50 чалавек, у тым ліку і гродзенцы. Прысуд сустрэлі крыкамі «Ганьба!».
Пазней на іншым працэсе затрымалі каля двух дзясяткаў чалавек, якія прысутнічалі пры вынясенні прысуду Ашурку. Адзін з сведак паспеў паведаміць, што затрыманне нібыта звязана з эмацыйнай рэакцыяй людзей на прысуд Вітольду Ашурку. Па гэтай справе таксама праходзіць журналіст з Бярозаўкі Юры Дзяшук.
Ежы Грыгенча — сябра Аб’яднанай грамадзянскай партыі. Яго судзілі па адміністрацыйных артыкулах за ўдзел у акцыі супраць інтэграцыі Беларусі з Расіяй, за ўдзел у Маршах недармаедаў, за акцыі пратэсту ў 2020 годзе. На адно з судовых пасяджэнняў яго прыехала падтрымаць Ганна Канапацкая.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…