АМАП прыйшоў у рэдакцыю Hrodna.life. Фота: скрыншот Facebook.com
Рэдактар партала newgrodno.by Ігар Бублікаў (Рэмзік) каля 11.00 29 студзеня паведаміў, што ў яго дома праходзіць «ператрус». Ён перастаў здымаць слухаўку і выходзіць на сувязь. У той жа час у офіс рэдакцыі Hrodna.life прыйшоў АМАП. Што ім трэба, пакуль невядома.
Партал newgrodno.by асвятляў акцыі пратэсту, якія праходзілі летам і восенню 2020 года ў Гродне. Ігара Рэмзіка затрымлівалі 9 жніўня і 27 верасня. За першае затрыманне яго асудзілі на штраф, другую адміністрацыйную справу спынілі.
Супрацоўніку крамы «Адметнасць» Сяргея Верамеенкі, які знаходзіцца ў тым жа памяшканні, забаранілі весці трансляцыю пад пагрозай расцаніць гэта як непадпарадкаванне міліцыі. Сярод супрацоўнікаў - Аляксей Вайцешка, начальнік аддзела аховы правапарадку і прафілактыкі. Па паведамленнях актывістаў, Сяргея Верамеенку затрымалі.
Журналістаў Hrodna.life таксама затрымлівалі. Руслану Кулевічу зламалі абедзве рукі пры затрыманні 11 жніўня і асудзілі на сем сутак, аднак пазней выпусцілі праз тры дні. Дзве праверкі па адміністрацыйных артыкулах на Алену Кавальчук спынілі.
Супрацоўнікі Ленінскага РАУС Гродна ў ходзе маніторынгу выяўлілі факты захоўвання рэсурсамі Hrodna.life і Newgrodno.by прадукцыі, прызнанай экстрэмісцкай. Гаворка ідзе аб захоўванні матэрыялаў аднаго Telegram-канала, які ў кастрычніку і лістападзе 2020 года судом Цэнтральнага раёна г. Мінска прызнаны экстрэмісцкім.
Пачаты адміністрацыйны працэс. Супрацоўнікі Ленінскага РАУС пры падтрымцы байцоў АМАП праводзяцца агляды рэдакцыйных памяшканняў Hrodna.life і Newgrodno.by, канфіскацыя аргтэхнікі абедзвюх рэдакцый для яе далейшага накіравання на экспертызы.
Паводле арт.17.11 КаАП рэдакцыям пагражае штраф у памеры да 500 базавых велічынь, а таксама канфіскацыя прадметаў і прыладаў здзяйснення правапарушэнняў.
Чытайце таксама: Агляд у рэдакцыі Hrodna.life скончыўся. Канфіскавалі тэхніку, кнігі і гульні
У Гродне выступіць Ілля Шынкарэнка — малады музыка, які набыў папулярнасць дзякуючы свайму беларускамоўнаму TikTok.…
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…