Новости

Новыя законы. У Беларусі за гудок на акцыі змогуць забіраць правы на год

У новым варыянце Кодэкса аб адміністрацыйных правапарушэннях ўзмацнілі адказнасць за выкарыстанне аўтамабільнага сигналу не паводле прызначэння і за блакаванне дарог. Гудзенню на акцыі ў КаАП прысвячаюць спецыяльны пункт. Законапраект аб змене КаАП павінен уступіць у сілу з 1 сакавіка 2020 года.

У КаАП з’явіцца новы пункт 18.13.4 «Парушэнне асобай, якая кіравала ТС, правілаў карыстання гукавымі сігналамі у месцы правядзення масавага мерапрыемства», звярнуў увагу Onliner. За гэта прадугледжаны штраф да 10 базавых велічынь з пазбаўленнем правоў да 1 года або без пазбаўлення.

Лічыцца забароненым гукавы сігнал, пададзены не для прадухілення ДТЗ у населеным пункце або папярэджання аб абгоне па-за населеным пунктам (п. 172 ПДР).

У кодэксе не паказваецца, аб якіх менавіта масавых мерапрыемствах ідзе гаворка — санкцыянаваных ці не. Зыходзячы з закона РБ «Аб масавых мерапрыемствах у Рэспубліцы Беларусь», пад гэта вызначэнне трапляюць сход, мітынг, вулічнае шэсце, дэманстрацыя, пікетаванне, спартыўна-масавае, культурна-відовішчнае, рэлігійнае мерапрыемства, што праводзяцца ў спецыяльна не прызначаных для гэтай мэты месцах пад адкрытым небам або ў памяшканні.

Таксама становіцца больш жорсткай адказнасць за наўмыснае блакаванне транспартных камунікацый шляхам стварэння перашкод, устаноўкі пастоў ці іншым спосабам (арт. 18.1). Максімальны штраф па гэтым артыкуле павысілі ў пяць разоў - да 50 базавых велічынь (мінімальны — 6 базавых велічынь).

У якасці прыкладу блакавання дарогі падчас масавага мерапрыемства Onliner прывёў фота, зробленае ў жніўні ў Мінску. На ім дарогу блакуюць сілавікі

Увялі дадатковы пункт (арт. 18.1.2) — наўмыснае блакаванне транспартных камунікацый асобай, якая кіравала транспартным сродкам, у месцы правядзення масавага мерапрыемства альбо якое пацягнула стварэнне аварыйнай абстаноўкі. За такое парушэнне збіраюцца штрафаваць ад 6 да 50 базавых з пазбаўленнем правоў ад 1 года да 2 гадоў або без пазбаўлення.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025