Адключэнні інтэрнэту пасля выбараў абышліся беларусам у $ 336,4 млн

Паводле новага даследавання кампаніі Top10VPN, блакавання сеціва ў 2020 годзе абышліся Беларусі у $ 336,4 млн. Сярод астатніх краін даражэй заплаціла толькі Індыя — каля $ 2,78 млрд, піша dev.by.

Доступ у інтэрнэт ў Беларусі ў 2020 годзе адсутнічаў 218 гадзін. Адключэння закранулі 7,9 млн інтэрнэт-карыстальнікаў. Самыя працяглыя перабоі ў свеце былі арганізаваны ў Індыі: тут улады цалкам блакавалі інтэрнэт (1655 гадзін) або запавольвалі хуткасць злучэння (7272 гадзіны) у агульнай складанасці 8927 гадзін.

Як пішуць даследчыкі, у Беларусі адключэнні суправаджаліся парушэннем правоў чалавека, у тым ліку права на мірныя сходы і свабоды прэсы, а таксама фальсіфікацыяй выбараў.

На фоне жорсткасці сілавікоў і нападаў на журналістаў, для каардынацыі сваіх дзеянняў пратэстоўцы выкарыстоўвалі дадаткі, якія забяспечваюць прыватнасць, напрыклад Telegram і VPN-сэрвісы, працягваюць аналітыкі. Па падліках Top10VPN, падчас абмежаванняў папулярнасць VPN-сэрвісаў у краіне вырасла на 650% у параўнанні з сярэднемесячным значэннем.

9 жніўня і першыя дні пасьля выбараў інтэрнэт у краіне практычна не працаваў. Амаль да сярэдзіны снежня ўлады прымушалі блакаваць ў Менску мабільны інтэрнэт у дні масавых акцый пратэсту.

Чытайце таксама:

• В день выборов в Беларуси проблемы с интернетом, сбои в Viber и Telegram. Официально: «Это атака на госресурсы»
• Высокорентабельные предприятия должны перечислить деньги в бюджетный фонд. Гродненская «табачка» — больше половины всей суммы