Новости

Лукашэнка пашырыў паўнамоцтвы сваіх памочнікаў: што цяпер можа Караеў

Аляксандр Лукашэнка пашырыў паўнамоцтвы памочнікаў — інспектараў па абласцях і Мінску, паведамляе яго прэс-служба. Спіс замацаваны ва ўказе № 503, падпісаным 29 снежня.

У дакуменце выкладзена новая рэдакцыя Палажэння аб памочніка Прэзідэнта Беларусі, зацверджанага Ўказам № 40 ад 13 лютага 2017 года.

Памочнікі могуць:

  • прыцягваць да выканання даручэнняў прэзідэнта дзяржаўныя органы і арганізацыі, у тым ліку сістэмы забеспячэння бяспекі,
  • пры прад’яўленні службовага пасведчання бесперашкодна ўваходзіць на тэрыторыю і ў памяшканні дзяржаўных органаў і арганізацый,
  • у выпадку выяўлення фактаў безгаспадарчасці, парушэнняў заканадаўства, вытворча-тэхналагічнай, выканальніцкай і працоўнай дысцыпліны хадайнічаць перад дзяржорганамі і арганізацыямі аб прыцягненні да дысцыплінарнай адказнасці або ўжыванні іншых мер уздзеяння ў дачыненні да службовай асобы, у рашэннях ці дзеяннях (бяздзейнасці) якога бачацца парушэнні.

Сярод дадатковых функцый памочнікаў:

  • выяўленне ў рэгіёнах крыніц і фактараў, якія ствараюць пагрозу нацыянальнай бяспекі,
  • па кантроль, аналіз і прагназаванне грамадска-палітычных і сацыяльна-эканамічных працэсаў,
  • унясенне прапаноў па забеспячэнню ўнутрыпалітычнай стабільнасці ў рэгіёне, у тым ліку аб умацаванні правапарадку, і іншыя.

29 кастрычніка Аляксандр Лукашэнка прызначыў трох новых памочнікаў прэзідэнта. Былы міністр МУС Юрый Караеў стаў памочнікам па Гродзенскай вобласці. Тады Лукашэнка анансаваў пашырэнне паўнамоцтваў сваіх памочнікаў.

Напярэдадні Караеў расказваў аб сваіх абавязках ў інтэрв'ю: праца з кадрамі, іх падбор, прызначэнне, становішча спраў у працоўных калектывах, кантроль за арганізацыяй дзейнасці праваахоўных і сілавых органаў, у першую чаргу — вертыкаль улады, і прыёмы грамадзян.

Да гэтага ён казаў, што працуе з новымі для сябе сферамі:

«Тут жа вельмі шмат усяго, шырокі спектр пытанняў: эканоміка, сяло, каровы, часалкі, надоі, рэнтабельнасць прадпрыемстваў — каб усё працавала. Ну вось людзей больш за ўсё турбуюць дарогі, асвятленне, ласі выбягалі, суседзі няўжыўчывыя, што там яшчэ? Ацяпленне, старыя адміністрацыйныя і крымінальныя справы (радзей, слава Богу!), якія, як людзям здаецца, не вырашаюцца», — тлумачыў ён.

Чытайце таксама: «Без насилия невозможно». Юрий Караев рассказал в интервью о патриотизме, крещении и смысле жизни

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025