Менскія праграмісты кампаніі EPAM. Фота: "Радыё Св***да"
Заснавальнік і кіраўнік кампаніі EPAM Аркадзь Добкін падзяліўся ўражаньнямі пра падзеі ў Беларусі, піша С**бода.
Падчас інтэрвію YouTube-каналу «Русские норм!» Аркадзь Добкін спрагназаваў самы вялікі сыход спэцыялістаў зь Беларусі ад моманту абвяшчэньня яе незалежнасьці.
«Я галавой не разумею, як можа адбывацца тое, што адбываецца. А да чаго прывядзе? Сапраўды рызыкуе быць самы вялікі сыход за апошнія 30 гадоў. Безумоўна, на фоне пратэстаў большая колькасьць людзей хочуць зьяжджаць. Будзе балюча і крыўдна. Некалькі генэрацый, хутчэй за ўсё, зьнікнуць зь Беларусі. Тыя дзеці, якія зьяжджаюць, — іх назад зацягнуць вельмі цяжка», — адзначыў Аркадзь Добкін.
Бізнэсовец запэўніў, што офісы кампаніі EPAM працягнуць працаваць у краіне. Аднак з пэўнымі нюансамі.
«У любой вялікай кампаніі ёсьць праграма на перамяшчэньне супрацоўнікаў. Мы не зьбіраемся пакідаць Беларусь, будзем працягваць там працаваць. У той жа час, калі людзі хочуць пераехаць, створым умовы, каб яны гэта зрабілі. У нас адкрытыя пазыцыі практычна ва ўсіх офісах па ўсім сьвеце. Гэта страта для Беларусі, але тут нічога зрабіць нельга», — дадаў ён, удакладніўшы, што пэўная частка кліентаў жадаюць паменшыць рызыкі і дывэрсыфікаваць залежнасьць ад Беларусі.
Аркадзь Добкін устрымаўся ад прагнозу на разьвіцьцё далейшых падзеяў, аднак пры гэтым пашкадаваў, што супрацьстаяньне ў грамадзтве зайшло занадта далёка. Хоць выхадцаў зь Беларусі ведаюць па ўсім сьвеце.
«Калі пайшоў бізнэс, я трапляў на сустрэчы зь вялікімі начальнікамі. Расказваеш гісторыю EPAM і кажаш, што ты зь Менску, і яны ў адказ: „Ох, а ў мяне бабуля зь Вільні (ці зь Пінску, Берасьця). Вось выдатна, давайце я калі-небудзь прыеду!“ І такіх людзей маса, гэта тыя, хто рабіў Амэрыку. З пункту гледжаньня дзяржавы вельмі сумна».
Праз паўгадзіны размовы на экране зьявiлася ўдакладненьне, што прэзыдэнт EPAM не захацеў працягваць размову пра сытуацыю ў Беларусі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…